बिबट्यासाठी कासारीत पिंजरा

तळेगाव ढमढेरे, ता. २९ : कासारी (ता. शिरूर) येथील परिसरात बिबट्याचा वावर वाढल्याने ग्रामस्थांमध्ये गेल्या १५ दिवसांपासून भीती निर्माण झाली आहे. त्यामुळे वनविभागाने येथे पिंजरा लावण्याची व्यवस्था केली.
कासारी परिसरात गेल्या १५ दिवसांत बिबट्याने दोन शेळ्यांवर हल्ला करून फडशा पडला होता, तर इतर पाळीव प्राण्यावरही हल्ला केला होता. माजी सरपंच संभाजी भुजबळ, संतोष काकडे, दिलीप रासकर, हनुमंत नरके, मोहन काळकुटे आदींनी पिंजरा लावण्याची व्यवस्था करावी अशी मागणी केली होती. वनरक्षक प्रमोद पाटील यांनी तातडीने सोमवारी कासारी परिसरात बिबट प्रवण क्षेत्रात पाहणी करून पिंजरा लावला. यावेळी सामाजिक कार्यकर्ते संतोष काकडे, हनुमंत काळकुटे, प्रशांत सातपुते, सागर भुजबळ, चेतन रासकर, राहुल काकडे आदी उपस्थित होते.