संभाजी भुजबळ पतसंस्थेतर्फे सात टक्के लाभांश

तळेगाव ढमढेरे, ता. २५ : तळेगाव ढमढेरे (ता. शिरूर) येथील संभाजी भुजबळ सहकारी पतसंस्थेतर्फे सभासदांना सात टक्के लाभांश वाटप करण्यात आले. याबाबतची माहिती पतसंस्थेचे अध्यक्ष राजाराम शिंदे, उपाध्यक्ष दादाभाऊ भुजबळ व मुख्य कार्यकारी अधिकारी वैभव दीक्षित यांनी दिली. यावेळी संचालक राजेंद्र गोरे, रमेश भुजबळ, सुरेश रासकर, अशोक भुजबळ आदी उपस्थित होते. संस्थेची एकूण सभासद संख्या ३२९९ असून संस्थेला ४५ लाख रुपये नफा झाला आहे. संस्थेतर्फे सभासदांना व गरजूंना विविध प्रकारच्या कर्जांचे वाटप करण्यात येते. पतसंस्थेसाठी जागा उपलब्ध असून तेथे इमारत बांधण्यात येत आहे. यावेळी पतसंस्थेतील सर्व कर्मचाऱ्यांना दिवाळी बोनस व मिठाईचे वाटप करण्यात आले.