शिक्षक पतसंस्थेच्या संचालकपदी गांधले, जवळकर

तळेगाव ढमढेरे, ता.१९ : शिरूर तालुका प्राथमिक शिक्षक सहकारी पतसंस्था मर्यादित तळेगाव ढमढेरे या संस्थेत रिक्त असलेल्या न्हावरे आणि कोरेगाव भीमा या दोन गटातून संचालकपदी पोपट गांधले व कविता जवळकर यांची निवड केली आहे, अशी माहिती पतसंस्थेचे सचिव विजय गोडसे यांनी दिली.
पतसंस्थेच्या संचालक मंडळाच्या सभेत दोन रिक्त जागा उपनिबंधक शिरूर यांच्या परवानगीने भरण्यात आल्या. निवडणूक अधिकारी दीपक वराळ यांनी काम पाहिले. यावेळी पदवीधर शिक्षक संघटनेचे राज्याध्यक्ष अनिल पलांडे, अखिल शिरूर शिक्षक संघाचे माजी अध्यक्ष अर्जुन निचित, शिरूर पदवीधरचे अध्यक्ष कल्याण कोकाटे, अशोक पठारे आदी उपस्थित होते. पतसंस्थेचे माजी सभापती संतोष विधाटे यांनी सूत्रसंचालन केले. चंद्रकांत खैरे यांनी आभार मानले.