थेऊरमधील पूरस्थितीमुळे शंभर कुटुंबांचे नुकसान

थेऊर, ता. १८ : थेऊर परिसरात मागील दोन दिवसांपूर्वी झालेल्या मुसळधार पाऊस झाला. नायगाव रोडवरील रुके वस्ती येथे पूरस्थिती निर्माण झाली असून सुमारे शंभर कुटुंबांचे नुकसान झाले आहे.
पूरस्थितीची माहिती घेण्यासाठी शिरूर-हवेलीचे माजी आमदार अशोक पवार यांनी नायगाव भागाला भेट देऊन पूरग्रस्त नागरिकांची भेट घेतली. त्यांच्या अडचणी जाणून घेतल्या. या पाहणी दौऱ्यात पवार यांनी प्रशासनाकडे सर्व पूरग्रस्त कुटुंबांना तत्काळ आवश्यक ती मदत पुरवण्याची मागणी केली. तसेच शासनाने भविष्यात अशी परिस्थिती उद्‌भवू नये यासाठी तातडीने आवश्यक ती उपाययोजना करावी, अशीही अपेक्षा व्यक्त केली. यावेळी त्यांनी दूरध्वनीवर प्रांत अधिकारी व तहसीलदार यांचेशी संपर्क साधून त्यांच्याकडे पूरग्रस्त नागरिकांना त्वरित आर्थिक आणि पुनर्वसनाची मदत देण्याची मागणी केली. पाहणीप्रसंगी रवी कांबळे, महादेव कांबळे, कोल्हे आदी नागरिकांनी पवार यांच्यापुढे नुकसानीची कहाणी व समस्या मांडल्या. दरम्यान, यावेळी पंचायत समितीच्या माजी सभापती चंद्रभागा काकडे, ग्रामपंचायत सदस्य विठ्ठल काळे, शहाजी जाधव, राष्ट्रवादी काँग्रेस शरद पवार पक्षाचे संदीप कुंजीर,अशोक गायकवाड, माजी उपसरपंच विलास कुंजीर, योगेश काकडे, लक्ष्मण चव्हाण, कांताराम कुंजीर आदी मान्यवर उपस्थित होते.