अल्पवयीन मुलीस फूस लावून पळविले

थेऊर, ता. १७ : लोणी काळभोर (ता. हवेली) पोलिस ठाण्याचे हद्दीतून एका अल्पवयीन मुलीस फूस लावून पळवून नेल्याची घटना घडली आहे. याप्रकरणी तिच्या आईने दिलेल्या फिर्यादीवरून अज्ञात व्यक्तीविरुद्ध लोणी काळभोर पोलिस ठाण्यात गुन्हा दाखल करण्यात आला आहे. पोलिस सूत्रांनी दिलेल्या माहितीनुसार ४२ वर्षीय फिर्यादी पती, दोन मुली, दोन मुलांसह राहतात. शनिवारी (ता. १५) सकाळी घरातील १६ वर्षीय मोठी मुलगी सोडून सगळे घराबाहेर गेले होते. सगळे दुपारी परत घरी आले असता १६ वर्षीय मुलगी घरात नव्हती. तिचा शोध घेतला असता ती न सापडल्याने कोणीतरी अज्ञात व्यक्तीने तिच्या अज्ञान वयाचा फायदा घेऊन, तिला फूस लाऊन पळवून नेल्याचे फिर्यादीत नमूद केले आहे. पुढील तपास पोलिस उपनिरीक्षक पूजा माळी करत आहेत.