उरुळी कांचन, ता.२१ : महिलेला लिफ्ट देण्याचा बहाणा करून चारचाकी गाडीतून आलेल्या तिघांनी महिलेच्या गळ्यातील ८० हजाराचे सोन्याचे गंठण चोरून नेल्याची घटना जेजुरी-उरुळी कांचन रस्त्यावरील शिंदवणे (ता. हवेली) हद्दीतील कामठे बस स्टॉप ते काळे शिवार परिसर दरम्यान गुरुवारी (ता.२०) सायंकाळी पाच ते साडेपाच या वेळात घडली. याप्रकरणी अज्ञात तीन जणांवर उरुळी कांचन पोलिस ठाण्यात गुन्हा दाखल करण्यात आला आहे.यामध्ये दोन महिलांचा समावेश आहे.
निर्मला दिलीप शिर्के (वय ५५, रा. कामठे मळा, शिंदवणे, ता. हवेली) यांनी फिर्याद दिली आहे. मिळालेल्या माहितीनुसार, फिर्यादी निर्मला शिर्के या गुरुवारी जेजुरी ते उरुळी कांचन रस्त्यावरील कामठे मळा परिसरातील बस स्टॉपवर वाहनाची वाट पाहत होत्या. यावेळी एक काळ्या रंगाच्या मोटारीमधून एक अनोळखी पुरुष आणि दोन अनोळखी महिला त्या वाहनात होत्या. लिफ्ट देताना मोटारीतील दोन महिलांनी निर्मला शिर्के यांच्या गळ्यातील अंदाजे नऊ ग्रॅम वजनाचे, काळ्या-सोन्याच्या मण्यात ओवलेले व पेंडल असलेले ८० हजार रुपये किमतीचे सोन्याचे गंठण जबरदस्तीने चोरून नेले. मात्र, मोटारीमधील अनोळखी पुरुष व दोन महिला यांचे वर्णन शिर्के यांना सांगता येत नाही व मोटारीचा नंबर पण सांगता येत नसल्याचे फिर्यादीत नमूद केले आहे. पुढील तपास पोलिस हवालदार प्रशांत पवार करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.