तब्बल साडेपंधरा किलो कटला माशाची विक्री

उरुळी कांचन, ता. ५ : उरुळी कांचनमधील (ता. हवेली) मच्छीबाजारात १५ किलो ६०० ग्रॅम वजनाचा कटला जातीचा मासा विक्रीसाठी आला होता. उरुळी कांचनजवळील पिंपरी सांडस या गावातून भीमा नदी वाहते. या नदीपात्रात स्थानिक मच्छीमाराच्या जाळ्यात तो अडकला. मच्छीमाराने
दिलेल्या माहितीनुसार, या जातीचा मासा नदी परिसरात चुकून आढळतो. या भागात जास्त करून मांगूर जातीचेच मासे आढळतात. पण बुधवारी (ता.४) साडेपंधरा किलो वजनाचा आणि तोही कटला जातीचा मासा मिळून आल्याने आश्चर्य वाटत आहे. मच्छीमाराने तो उरुळी कांचन येथील विक्रेते भगवान जाधव यांच्या दुकानात आणून दिला. या माशाला बघायला लोकांनी गर्दी केली होती. दरम्यान, हा कटला मासा खरेदी करून बिहारी लोकांनी एक वेगळा आनंद साजरा केला. माशाला सर्वाधिक असा ३२० रुपये प्रतिकिलो बाजारभाव मिळाला, अशी माहिती भगवान जाधव यांनी दिली.
00874