लासुर्णेत होम मिनिस्टरच्या साक्षी भोसले विजेत्या

उद्धट, ता. ३ : इंदापूर तालुक्यातील लासुर्णे गावाच्या सांस्कृतिक वैभवात भर घालण्यासाठी महिलांमधील सुप्त गुणांना वाव देण्याच्या उद्देशाने महात्मा फुले तरुण मंडळ लासुर्णे यांच्या वतीने महिलांसाठी होम मिनिस्टर कार्यक्रम घेण्यात आला.
घरकाम करणाऱ्या, रानात राबायला जाणाऱ्या आणि इतर किरकोळ कामे करणाऱ्या महिलांना या निमित्ताने विरंगुळा आणि त्याचबरोबर बक्षिसांची देखील लयलूट करण्यात आली. यामध्ये विविध स्पर्धा, नृत्य आदींच्या माध्यमातून कार्यक्रम रंगला.
या स्पर्धेचे आयोजन महात्मा फुले तरुण मंडळ लासुर्णे, एस. के. सराफ यांच्या वतीने करण्यात आले. सूत्रसंचालन कुमार देवकाते यांनी केले. यामध्ये प्रथम बक्षीस मानाची पैठणी आणि सोन्याची नथ साक्षी भोसले यांनी पटकविली. द्वितीय बक्षीस आरती खोमणे यांनी प्राप्त केले. तर तृतीय क्रमांक कोमल भोसले यांनी पटकाविला. चतुर्थ क्रमांक अंजली माळी यांनी, पाचवा क्रमांक संपूर्ण चौधरी यांनी तर सहावा क्रमांक कोमल वाघमोडे यांनी पटकाविला.
बकेटराउंड मधून प्रथम क्रमांक रोहिणी गायकवाड यांनी द्वितीय क्रमांक अर्चना सुतार, तृतीय क्रमांक प्रतीक्षा भोसले, चतुर्थ क्रमांक निशा चव्हाण, पाचवा क्रमांक वनिता भोसले यांनी पटकविला. या बक्षिसाचे वितरण प्रतिमा भरणे यांच्या हस्ते करण्यात आले.