उद्धट परिसरात दिल्या शुभेच्छा

उद्धट : मकर संक्रांती दिनी सूर्य मकर राशीत प्रवेश करतो, त्यामुळे हा सण खगोलशास्त्रीय दृष्ट्या महत्त्वाचा मानला जातो. या दिवसापासून उत्तरायण सुरू होते, म्हणजेच दिवस मोठे होऊ लागतात. मकर संक्रांतीला तिळगूळ वाटप, पतंग उडवणे, हळदीकुंकू आणि साखर-तिळाचे पदार्थ करण्याची परंपरा आहे. यानिमित्त ‘तिळगूळ घ्या, गोड गोड बोला’ असा संदेश या सणातून देण्यात आला. या सणाचे औचित्य साधून महिलांनी सकाळपासूनच याची लगबग सुरू होती. घराघरांमध्ये गोडधोड म्हणून गुळाच्या पोळीचा नैवेद्य करण्यात आला. दुपारनंतर नवीन साड्या परिधान करून ओवसा व त्याला लागणारे साहित्य म्हणजे उसाची कांडी, बोर, चिंचा हुरडा, गाजर आदी गोष्टी ओवसामध्ये देत एकमेकींना शुभेच्छा दिल्या.