ग्राहक पंचायतीच्या अध्यक्षपदी शिवरकर

उरुळी कांचन, ता. १९ : अखिल भारतीय ग्राहक पंचायत संघटनेच्या हवेली तालुका अध्यक्षपदी संदीप शिवरकर यांची नियुक्ती करण्यात आली. ग्राहकांच्या हक्कांसाठी सातत्याने काम करणाऱ्या शिवरकर यांच्यावर ही जबाबदारी सोपवण्यात आली असून, त्यांच्या निवडीचे सर्व स्तरातून स्वागत होत आहे. ही नियुक्ती नारायणगाव (ता. जुन्नर) येथील कुकडी प्रकल्प विश्रामगृहात पार पडलेल्या ग्राहक पंचायत मध्य महाराष्ट्र प्रांताच्या बैठकीत जाहीर केली. येत्या २५ व २६ ऑक्टोबर रोजी श्री क्षेत्र ओझर येथे होणाऱ्या प्रांत स्तरीय निवासी अभ्यास वर्गाच्या पार्श्वभूमीवर या बैठकीचे आयोजन केले होते. याप्रसंगी पुणे जिल्हा सचिव अशोक भोर, प्रांत सदस्य भानुदास सरडे, राघवदास चौधरी, अध्यक्ष बाळासाहेब औटी, कोषाध्यक्ष विलास जगदाळे, नयना आभाळे, तुषार झेंडे, देवेंद्र जगताप, ज्ञानेश्वर उंडे, दिलावर तांबोळी, देवानंद बवले, देविदास काळे आदी उपस्थित होते.

03422