इंदापूर तालुक्यात बैलांची मिरवणूक

वडापुरी, ता. २१ : इंदापूर तालुक्यातील वडापुरी, अवसरी, बेडसिंग, भांडगाव, भाटनिमगाव, बाभूळगाव, कांदलगाव, हिंगणगाव, तरटगाव, पंधारवाडी, जाधववाडी, शेटफळ हवेली, रेडणी परिसरात शेतकऱ्यांनी बैलांची मिरवणूक काढली होती. शेतकरी सकाळपासून बैलांना अंघोळ घालणे, विविध रंगांनी रंगविणे, बैलांना नवनवीन कपडे घालणे, विविध प्रकारच्या वस्तूंनी सजविणे व संध्याकाळी गावातून मिरवणूक काढत असल्याचे ठिकठिकाणी पहावयास मिळाले.