निंबाळकर, पांढरे यांची इंदापूर अर्बन बॅंकेच्या संचालकपदी निवड

वालचंदनगर, ता. ३१ : इंदापूर अर्बन बॅंकेच्या स्वीकृत संचालकपदी तालुक्याच्या पश्‍चिम भागातील तानाजी निंबाळकर व विजय पांढरे यांची निवड झाली.
इंदापूर अर्बन बॅंकेवर माजी सहकारमंत्री हर्षवर्धन पाटील यांचे एकहाती वर्चस्व आहे. बॅंकेच्या पंचवार्षिक निवडणुकीत अध्यक्षपदी देवराज जाधव व उपाध्यक्ष सत्यशील पाटील यांची निवड केली. पश्‍चिम भागातील काही पदाधिकारी बॅंकेच्या संचालक पदासाठी इच्छुक होते. सणसरमधील तानाजी ऊर्फ बाबा निंबाळकर व जांब मधील विजय पांढरे यांची स्वीकृत संचालकपदी निवड झाली असून दोघांना संचालकपद देण्यात आले.
निवडीनंतर निंबाळकर व पांढरे यांनी सांगितले की, ‘‘माजी सहकारमंत्री हर्षवर्धन पाटील यांच्या मार्गदर्शनाखाली बॅंकेच्या माध्यमातून शेतकऱ्यांचा, व्यावसायिकांचा विकास करण्यासाठी प्रयत्न करणार आहे.’’