जेऊर येथे उसाचे फड पूजन
वाल्हे, ता. ३० : जेऊर (ता. पुरंदर) येथे मंगलमय वातावरणात सोमेश्वर साखर कारखान्याच्या वतीने ऊस फड पूजन समारंभ करण्यात आले.
पिसर्वे (ता. पुरंदर) येथे प्रगतशील बागायतदार मारुती कोलते यांच्या शेतावर फड पूजन सोमेश्वरचे अध्यक्ष पुरुषोत्तम जगताप, ज्येष्ठ संचालक राजवर्धन शिंदे, उपाध्यक्ष मिलिंद कांबळे, कार्यकारी संचालक राजेंद्र यादव आदींच्या हस्ते झाले. तर आज जेऊर येथे संचालक अनंता तांबे यांच्या हस्ते फड पुंजन झाले. याप्रसंगी ज्ञानेश्वर तांबे, अतुल पिंगळे, संजय सांगळे, नरेंश धुमाळ, कुमार धायगुडे, देविदास तांबे उपस्थित
होते. पूजनानंतर श्रीफळ फोडून, उसाला नारळ अर्पण करून पारंपरिक पद्धतीने पूजा पार पडली.
यावेळी बोलताना सोमेश्वरचे संचालक अनंता तांबे यांनी सांगितले की, शेतकऱ्यांच्या कष्टावर उभा असलेला हा उद्योग आहे. या हंगामात कारखान्याकडून गाळप प्रक्रिया अधिक कार्यक्षम आणि पारदर्शक करण्यासाठी आधुनिक तंत्रज्ञानाचा वापर केला जाणार आहे. सोमेश्वर साखर कारखान्याकडून गळीत हंगामाची तयारी पूर्ण केली आहे. साखर कारखान्यावर ऊस तोडणी मजुरांच्या टोळ्या दाखल झाल्या आहेत. विभागवार टोळ्यांची वाटणी केली आहे.
05609
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.