टेम्पो चालक-मालक संघटना स्थापन

पुणे, ता. १७ ः राष्ट्रीय मजदूर संघाच्या आधिपत्याखाली शहर व जिल्ह्यातील टेम्पो चालक-मालक संघटनेची स्थापना नुकतीच करण्यात आली. टेम्पो चालक-मालकांच्या समस्यांवर मार्ग काढण्यासाठी या संघटनेची स्थापना करण्यात आली आहे. या वेळी संघटन वाढविण्याची जबाबदारी अण्णा देवकर व राहुल शेवाळे यांना देण्यात आली. ज्या टेम्पो चालक-मालक यांना संघटनेचे सभासद व्हायचे आहे, त्यांनी राष्ट्रीय मजदूर संघाच्या कार्यालयात संपर्क साधण्याचे आवाहन कामगार नेते व राष्ट्रीय मजदूर संघाचे अध्यक्ष सुनील शिंदे यांनी केले आहे.