होय, मधुमेह बरा होऊ शकतो | Sakal
sakal

बोलून बातमी शोधा

होय, मधुमेह बरा होऊ शकतो
होय, मधुमेह बरा होऊ शकतो

होय, मधुमेह बरा होऊ शकतो

sakal_logo
By

पुणे, ता. २ : मधुमेह हा कधीही बरा न होणारा आजार आहे, असा आतापर्यंतचा समज होता. पण, आधुनिक वैद्यकशास्त्रामुळे मधुमेह हा औषधे आणि आहारातून बरा होऊ शकतो. तसेच, तो शस्त्रक्रियेतूनही बरा करता येतो, यावर आता वैद्यकीय तज्ज्ञांचे एकमत होत आहे.

मधुमेह झाला की, तो आयुष्यभराचा साथी असा आतापर्यंतचे चित्र दिसत होते. आधुनिक वैद्यकशास्त्रामुळे हे चित्र बदलत असल्याचे दिसत आहे. त्यामुळे मधुमेह तज्ज्ञ आणि एंडोक्रिनोलॉजिस्ट (अंतःस्राव प्रणाली आणि चयापचयाशी संबंधी विकारतज्ज्ञ) यांनी मधुमेहिंना त्यांचा मधुमेह बरा करण्याचा पर्याय दिला पाहिजे, असे मधुमेह तज्ज्ञांच्या राष्ट्रीय परिषदेत निश्चित करण्यात आले. ‘चॅलेंजेस इन डायबेटिस’ ही परिषद नुकतीच झाली. त्यात देशभरातील प्रख्यात मधुमेहतज्ज्ञ आणि एंडोक्रिनोलॉजिस्ट एकत्र आले होते. त्यात हा ठराव करण्यात आला. डॉ. तेजस शहा आणि राजीव कोवी यांनी ही परिषद आयोजित केली होती. पुण्यातील ‘लोपरो ओबेसो सेंटर’चे (एलओसी) बेरियाट्रिक सर्जन डॉ. शशांक शहा यांनी या परिषदेत शोधनिबंध सादर केला. त्या आधारावर मधुमेह बरा होण्याच्या पर्यायांवर चर्चा झाली.

डॉ. शहा म्हणाले, ‘‘लठ्ठपणा आणि मधुमेह यांचा जवळचा संबंध आहे. हे दोन्ही आजार परस्परांवर अवलंबून असतात. पुरुषांमध्ये कमरेचा घेर वाढतो तसतसे त्या प्रमाणात शरीरातील व्याधी वाढतात. स्त्रियांमध्ये ८० सेंटीमीटरपेक्षा आणि पुरुषांमध्ये ९० सेंटीमीटरपेक्षा जास्त असल्यास वेगवेगळ्या आजारांना त्यातून निमंत्रण मिळते. त्यापैकी मधुमेह हा एक असतो. बेरियाट्रिक सर्जरीमधून लठ्ठपणा कमी होतो. वजन कमी होते. त्यामुळे शरीरातील चयापचयाची क्रिया सुधारते. त्यातून चयापचयाशी संबंधी आजार असणारा मधुमेह पूर्णतः बरा होतो.’’ औषधे आणि आहार याचा योग्य पद्धतीने वापर केल्यास रुग्ण मधुमेहमुक्त होऊ शकतो, असेही डॉ. शहा यांनी स्पष्ट केले.

साखर नियंत्रणात...
बेरियाट्रिक सर्जरीनंतर मधुमेह पूर्णतः बरा झालेले रवींद्र कुलकर्णी म्हणाले, ‘‘माझ्या घरात आईला मधुमेह होता. चाळीशीनंतर तो मला झाला. पुढील पाच-सहा वर्षांमध्ये माझ्या मधुमेहाच्या गोळ्या वाढू लागल्या. लठ्ठपणा तर आधीपासूनच होता. त्यामुळे बेरियाट्रिक सर्जरी केली. त्यानंतर रक्तातील साखरेची प्रमाण कोणतेही औषध न घेता नियंत्रित होत आहे.’’

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top