भारतीय उद्योजकांनी गुंतवणूक करावी
मोरोक्को, कॉस्टरिका, नायजेरियातील राजदुतांचे चर्चासत्र
आवाहन;‘बिझनेस एक्सलन्स अवॉर्ड’चे वितरण

भारतीय उद्योजकांनी गुंतवणूक करावी मोरोक्को, कॉस्टरिका, नायजेरियातील राजदुतांचे चर्चासत्र आवाहन;‘बिझनेस एक्सलन्स अवॉर्ड’चे वितरण

पुणे, ता. २ : ग्लोबल इंडिया बिझनेस फोरमतर्फे (जीआयबीएफ) आयोजित केलेल्या आंतरराष्ट्रीय चर्चासत्रात मोरोक्को, कॉस्टरिका, अझरबैजान आणि नायजेरियाच्या राजदूतांनी भारतीय उद्योजकांना त्यांच्या देशात गुंतवणूक करण्याचे आवाहन केले. या देशांमध्ये उद्योग विस्ताराच्या मोठ्या संधी उपलब्ध असल्याचे त्यांनी सांगितले.

विदेशी उद्योजकांसाठी पायाभूत सुविधा, नियम, उद्योगाच्या संधीविषयी मोरोक्कोचे राजदूत मोहम्मद मलिकी, कॉस्टरीकाचे राजदूत क्लॉडीओ अनसोरेना, अझरबैजानचे राजदूत डॉ. मोहम्मद मालिकी, नायजेरियाचे उच्चायुक्त अहमद सुले यांच्यावतीने ख्रिस्तोफर केके यांनी माहिती दिली. हिंजवडी येथील हॉटेल रमाडा प्लाझा येथे झालेल्या कार्यक्रमाच्या अध्यक्षस्थानी विधानपरिषदेच्या उपसभापती डॉ. नीलम गोऱ्हे होत्या. ‘जीआयबीएफ’चे अध्यक्ष जितेंद्र जोशी, समन्वयिका दीपाली गडकरी आदी उपस्थित होते. डॉ. गोऱ्हे व राजदुतांच्या हस्ते उद्योग आणि व्यवसाय क्षेत्रात उल्लेखनीय कामगिरी करणाऱ्या व्यक्तींना पुरस्कार प्रदान करण्यात आले. उद्योगावरील आंतरराष्ट्रीय चर्चासत्रात चारही देशांच्या राजदूतांनी त्यांच्या देशातील उद्योगांच्या संधींविषयी माहिती दिली. ‘बिझनेस टायकून’ या मासिकाचे या वेळी प्रकाशन करण्यात आले. सूत्रसंचालन नीलकमल आंचन यांनी केले. दीपाली गडकरी यांनी आभार मानले.

चार कौन्सिलची स्थापना
इंडिया-मोरोक्को बिझनेस ॲण्ड कल्चरल कौन्सिल, इंडिया-कॉस्टरिका बिझनेस ॲण्ड कल्चरल कौन्सिल, इंडिया-अझरबैजान बिझनेस ॲण्ड कल्चरल कौन्सिल, इंडिया-नायजेरिया बिझनेस ॲण्ड कल्चरल कौन्सिल या चार कौन्सिलची स्थापना करण्यात आली. व्यावसायिक, उद्योजक, चेंबर्स, विविध देशांचे दूतावास यांना एका व्यासपीठावर आणुन उद्योग क्षेत्राची प्रगती करण्याचा ‘जीआयबीएफ’चा उद्देश असल्याचे डॉ. जितेंद्र जोशी यांनी या वेळी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com