तळवडे येथील  कंपनीला आग

तळवडे येथील कंपनीला आग

पिंपरी, ता. ११ : तळवडेजवळील एका कंपनीला सोमवारी (ता. ११) दुपारी अचानक आग लागली. त्यात कंपनीचे मोठ्या प्रमाणात नुकसान झाले.
या कंपनीत कागद व प्लास्टिकचा माल मोठ्या प्रमाणात होता. त्यामुळे काही क्षणातच आग भडकली. दूरपर्यंत धूर व आगीचे लोट पसरले होते. यामुळे परिसरातील नागरिकांमध्ये भीतीचे वातावरण पसरले. घटनेची माहिती मिळताच पिंपरी-चिंचवड महापालिका अग्निशामक दलाच्या सात गाड्या तसेच बजाज कंपनी, महिंद्रा कंपनी, पीएमआरडीए व एमआयडीसीची प्रत्येकी एक अशा एकूण अकरा गाड्या घटनास्थळी दाखल झाल्या. सुरवातीला मोठ्या प्रमाणात पाण्याची फवारणी केली. त्यानंतर बुलडोजरच्या साहाय्याने पत्रे व भिंत हटवली. त्यानंतर अखेर तासांनी आग आटोक्यात आणण्यात अग्निशामक दलाच्या जवानांना यश आले.
घटनस्थळी बघ्यांनी मोठी गर्दी केली होती. यामुळे मदतकार्यात अडथळा येत होता. दरम्यान, शेजारील गोडाऊनमध्ये शॉर्टसर्किट झाल्याने आग लागल्याचा प्राथमिक अंदाज व्यक्त केला जात आहे.
आठवडाभरातील आगीची ही तिसरी मोठी घटना आहे. मोशीतील कचरा डेपोसह झाडूच्या गोदामाला लागलेल्या आगीतही मोठ्या प्रमाणात नुकसान झाले होते. .

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com