राज्यात पावसासाठी पोषक हवामान | Sakal
sakal

बोलून बातमी शोधा

राज्यात पावसासाठी पोषक हवामान
राज्यात पावसासाठी पोषक हवामान

राज्यात पावसासाठी पोषक हवामान

sakal_logo
By

पुणे, ता. ६ ः राज्यात पावसासाठी पोषक हवामान निर्माण झाले असून पुढील चार दिवस तुरळक भागात पावसाचा इशारा हवामान विभागाने दिला आहे. सातत्याने निर्माण होत असलेले पश्‍चिमी चक्रावात आणि त्यात अरबी समुद्रातून होणारा बाष्पाचा पुरवठा यामुळे पावसासाठी पोषक वातावरण तयार झाले आहे. कोकण, मध्य महाराष्ट्रातील तुरळक ठिकाणी शुक्रवारी (ता. ७) मेघगर्जनेसह पावसाची शक्यता आहे.

राज्याच्या अनेक भागात किमान तापमानात वाढ होत असून थंडी कमी झाली आहे. बहुतांश ठिकाणी किमान तापमान १३ ते २१ अंशाच्या दरम्यान, तर कमाल तापमान २८ ते ३२ अंशांदरम्यान नोंदले जात आहे. गुरुवारी राज्यातील सर्वाधिक कमाल तापमान सोलापूर येथे ३२.८ अंश सेल्सिअस तर नीचांकी तापमानाची नोंद गोंदिया येथे १२.५ अंश सेल्सिअस इतकी झाली.
सध्या सक्रिय असलेल्या दोन पश्‍चिमी चक्रावाताच्या प्रभावामुळे नैऋत्य राजस्थान व परिसरावर चक्राकार वाऱ्यांची स्थिती निर्माण होणार आहे. त्यामुळे राज्यातील तुरळक भागात विजांच्या कडकडाट तर काही ठिकाणी गारा पडण्याची शक्यता आहे. दिल्ली, पंजाब, राजस्थान, हरियाना, मध्य प्रदेश या राज्यांमध्ये मेघगर्जनेसह पाऊस तर काही ठिकाणी गारपीट होण्याचा अंदाज हवामान विभागाने वर्तविला आहे.

पावसाचा अंदाज
शुक्रवार ः मध्य महाराष्ट्र आणि कोकणातील तुरळक भागात हलक्या स्वरूपाचा पाऊस
शनिवार ः कोकणात तुरळक भागात पावसाच्या हलक्या सरी, मध्य महाराष्ट्र आणि मराठवाड्यात मेघगर्जनेसह पाऊस. विदर्भात गारपीट
रविवार ः कोकण आणि मध्य महाराष्ट्रातील तुरळक ठिकाणी पाऊस. मराठवाड्यात मेघगर्जनेसह पाऊस, तर विदर्भात विजांच्या कडकडाटासह गारपीट.
सोमवार ः मराठवाडा आणि विदर्भातील तुरळक ठिकाणी विजांसह पाऊस

शहर परिसरावर ढगाळ हवामान कायम ः
शहर आणि परिसरात सध्या किमान तापमानात वाढ होत असून पुढील चार दिवस अंशतः ढगाळ वातावरणाची शक्यता हवामान विभागाने वर्तवली आहे. शहरात गुरुवारी १३.८ किमान तर २९.७ कमाल तापमान नोंदले गेले. किमान व कमाल तापमानात सरासरीपेक्षा किंचित वाढ पाहायला मिळाली. त्यामुळे शहरात गारठा कमी झाला होता. हवामान विभागाने दिलेल्या माहितीनुसार, येत्या सोमवारपर्यंत (ता. १०) शहरात अंशतः ढगाळ वातावरण कायम राहणार आहे. त्यानंतर मुख्यतः निरभ्र वातावरणाची शक्यता आहे. त्याचबरोबर या आठवडाभरात किमान तापमानातही घट होणार असून किमान तापमान १० अंशापर्यंत जाण्याची शक्यता
आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top