म्हाडाच्या ४ हजार २२२ सदनिकांसाठी आज सोडत | Sakal
sakal

बोलून बातमी शोधा

म्हाडाच्या ४ हजार २२२ सदनिकांसाठी आज सोडत
म्हाडाच्या ४ हजार २२२ सदनिकांसाठी आज सोडत

म्हाडाच्या ४ हजार २२२ सदनिकांसाठी आज सोडत

sakal_logo
By

पुणे, ता. ६ : पुणे गृहनिर्माण व क्षेत्रविकास मंडळ (म्हाडा) अंतर्गत २ हजार ८२३ सदनिका आणि २० टक्के सर्वसमावेशक योजनेअंतर्गत एक हजार ३९९ सदनिका अशा एकूण ४ हजार २२२ नवीन सदनिकांसाठी जिल्हा परिषदेच्या नवीन इमारतीमध्ये शुक्रवारी (ता. ७) सकाळी दहा वाजता ऑनलाइन सोडत काढण्यात येणार आहे.

म्हाडाच्या सोडतीसाठी ऑनलाइन अर्ज नोंदणीचा प्रारंभ १६ नोव्हेंबर रोजी करण्यात आला होता. या चार हजार २२२ सदनिकांसाठी ८० हजार ८४८ अर्जदारांनी अर्ज नोंदणी केली आहे. त्यापैकी ६५ हजार १८० अर्जदारांनी अनामत रक्कम भरून सोडतीमध्ये सहभाग घेतला आहे. उपमुख्यमंत्री अजित पवार यांच्या हस्ते मंत्रालयातील दालनामध्ये व्हिडिओ कॉन्फरन्सद्वारे ऑनलाइन सोडत काढण्यात येणार आहे. गृहनिर्माण मंत्री डॉ. जितेंद्र आव्हाड, राज्यमंत्री सतेज पाटील, गृहनिर्माण विभागाचे प्रधान सचिव मिलिंद म्हैसकर, म्हाडाचे उपाध्यक्ष तथा मुख्य कार्यकारी अधिकारी अनिल डिग्गीकर यांच्या उपस्थितीत हा कार्यक्रम होणार आहे.

सोडतीचा कार्यक्रम महाराष्ट्र महसूल न्यायाधिकरण, पुणे खंडपीठाचे न्यायिक सदस्य एम. एम. पोतदार, महाराष्ट्र विमानतळ विकास प्राधिकरणाचे अतिरिक्त जिल्हाधिकारी दीपक नलावडे यांच्या देखरेखीखाली पार पडणार आहे.
कोरोनामुळे जिल्हा परिषदेत केवळ ५० नागरिकांच्या उपस्थितीमध्ये हा कार्यक्रम होणार आहे. सर्व अर्जदारांना फेसबुक लाइव्ह व यूट्यूब लाइव्हची लिंक पाठवण्यात येणार असून, लिंकच्या माध्यमातून ऑनलाइन सोडतीसाठी उपस्थित राहावे, असे आवाहन म्हाडाचे मुख्य अधिकारी नितीन माने-पाटील यांनी केले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top