मास्क न वापरणाऱ्यांवर दंडात्मक कारवाई | Sakal
sakal

बोलून बातमी शोधा

मास्क न वापरणाऱ्यांवर दंडात्मक कारवाई
मास्क न वापरणाऱ्यांवर दंडात्मक कारवाई

मास्क न वापरणाऱ्यांवर दंडात्मक कारवाई

sakal_logo
By

पुणे, ता. ६ ः शहरामध्ये कोरोना संसर्ग दिवसेंदिवस वाढत असल्याने पोलिसांनीही आता मास्क न घालणाऱ्यांवर दंडात्मक कारवाईचा बडगा उगारण्यास सुरुवात केली आहे. मास्क परिधान न करणाऱ्या सुमारे दीड हजार जणांवर पोलिसांनी दंडात्मक कारवाई केली आहे.

मागील काही दिवसांतच कोरोनाचा संसर्ग झपाट्याने वाढत आहे. तरीही नागरिकांकडून सार्वजनिक ठिकाणी, खासगी, सरकारी कार्यालयांमध्ये, बाजारपेठांत मास्कचा वापर होत नसल्याची स्थिती आहे. नागरिकांमध्ये अजूनही कोरोनाबाबत गांभीर्य नसल्यामुळे पोलिस सहआयुक्त डॉ. रवींद्र शिसवे यांनी बुधवारपासून कारवाई करणार असल्याचे स्पष्ट केले होते. त्यानुसार, बुधवारपासून शहरात मास्कची कारवाई सुरू करण्यात आली. तर बुधवारी सकाळपासूनच शहरातील मुख्य रस्ते, चौक, बाजारपेठा अशा ठिकाणी पोलिसांकडून मास्क न घालणाऱ्यांवर कारवाई करण्यात येऊ लागल्याचे चित्र दिसून आले.

बुधवारी दिवसभरात शहरात मास्क न घालणाऱ्या ३९१ जणांवर पोलिसांनी दंडात्मक कारवाई केली होती. तर दुसऱ्या दिवशी गुरुवारी मास्कचा वापर न करणाऱ्या अकराशेहून अधिक नागरिक पोलिसांना आढळून आले. या वेळी प्रत्येकी ५०० रुपयांचा दंड आकारण्यात आला. पोलिस कारवाई करीत असल्याचे पाहून भितीपोटी नागरिकांकडून मास्क घातले जात होते. तर काहीजण कारवाई टाळण्यासाठी वेगळ्या वाटेने पळून जाण्याचा प्रयत्न करत असल्याचे दिसून आले.

नागरिकांना मास्क वापरण्याबाबत वारंवार आवाहन केले होते. आता दंडात्मक कारवाई सुरू केली आहे. नागरिकांनी खबरदारी बाळगण्यासाठी सार्वजनिक ठिकाणी मास्कचा वापर करावा. मास्कचा वापर, सोशल डिस्टन्सिंग, हात स्वच्छ धुणे या त्रिसूत्रीचा अवलंब करावा.
- डॉ. रवींद्र शिसवे, पोलिस सहआयुक्त

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top