शिष्यवृत्ती योजनांसाठी मदतीचे आवाहन | Sakal
sakal

बोलून बातमी शोधा

शिष्यवृत्ती योजनांसाठी मदतीचे आवाहन
शिष्यवृत्ती योजनांसाठी मदतीचे आवाहन

शिष्यवृत्ती योजनांसाठी मदतीचे आवाहन

sakal_logo
By

पुणे, ता. ७ ः सकाळ माध्यम समूहातील ‘सकाळ इंडिया फाउंडेशन’च्या माध्यमातून १९५९ पासून गुणवंत व आर्थिकदृष्ट्या गरजू विद्यार्थ्यांना उच्च शिक्षणासाठी व संशोधनासाठी शिष्यवृत्ती दिली जाते. प्रामुख्याने परदेशात उच्च शिक्षणासाठी व संशोधनासाठी निवड झालेल्या गुणवंत विद्यार्थ्यांना शिष्यवृत्ती देऊन, शिक्षणासाठी प्रोत्साहन दिले जाते. आतापर्यंत सकाळ इंडिया फाउंडेशनच्या माध्यमातून महाराष्ट्र व देशातून उच्च शिक्षणासाठी व संशोधनासाठी परदेशी जाणाऱ्या १,३०३ विद्यार्थ्यांना तीन कोटी ८३ लाख ९१ हजार इतक्या रकमेची शिष्यवृत्ती दिली आहे.

देण्यात येणाऱ्या शिष्यवृत्त्या

१. करिअर डेव्हलपमेंट शिष्यवृत्ती : १९८४ पासून अकरावीपासून सर्व शाखांच्या पदवी, पदव्युत्तर, पदविका अभ्यासक्रमांसाठी गुणवंत व गरजू विद्यार्थ्यांना प्रोत्साहन देण्यासाठी करिअर डेव्हलपमेंट शिष्यवृत्ती दिली जाते. या योजनेअंतर्गत पात्र प्रत्येक विद्यार्थ्यास शिक्षण पूर्ण होईपर्यंत शिष्यवृत्ती देण्यात येते. यामध्ये प्रत्येक विद्यार्थ्यास शैक्षणिक खर्चासाठी अभ्यासक्रमानुसार पाच हजार रुपये पासून बारा हजारपर्यंत शिष्यवृत्ती दिली जाते.

२. बिनव्याजी कर्जाऊ शिष्यवृत्ती : १९५९ पासून गुणवंत व आर्थिकदृष्ट्या गरजू आणि उच्च शिक्षणासाठी व संशोधनासाठी परदेशी जाणाऱ्या विद्यार्थ्यांना बिनव्याजी कर्जाऊ शिष्यवृत्ती देण्यात येते. यामध्ये प्रत्येक विद्यार्थ्यास पंचाहत्तर हजार रुपयांपर्यंत शिष्यवृत्ती देण्यात येते. यावर्षी प्रती विद्यार्थी किमान एक लाख रुपयांपर्यंत शिष्यवृत्ती देण्याचे संस्थेचे नियोजन आहे. तसेच विद्यार्थ्यांकडून जमा होणाऱ्या रक्कमेचा पुन्हा नवीन विद्यार्थ्यांना शिष्यवृत्ती देण्यासाठी वापर केला जातो.

३. शैक्षणिक पालकत्व योजना : शैक्षणिक पालकत्व योजनेअंतर्गत आर्थिकदृष्ट्या कमी उत्पन्न गटातील गरजू विद्यार्थ्यांना तसेच स्थलांतरित कुटुंबातील विद्यार्थ्यांना त्यांचे शिक्षण अर्धवट राहू नये म्हणून शिष्यवृत्ती दिली जाते. यामध्ये इयत्ता ५ वी ते ९ वी पर्यंतच्या विद्यार्थ्यांना शैक्षणिक खर्चासाठी प्रत्येकी दहा हजार रुपयांची मदत केली जाते.

सकाळ इंडिया फाउंडेशनच्या वतीने समाजातील दानशूर व्यक्ती, संस्था, उद्योजक, माहिती तंत्रज्ञान कंपन्या, इंडस्ट्रिअल कंपन्या यांना सामाजिक बांधिलकीतून शिष्यवृत्ती योजनांसाठी आर्थिक मदत करण्याचे आवाहन करण्यात येत आहे. तसेच आपल्या प्रियजनांच्या स्मृतीप्रित्यर्थ प्रियजनांच्या नावाने उपक्रमासाठी देणगी देऊन, शिष्यवृत्ती सुरु करू शकता. याशिवाय प्रियजनांच्या वाढदिवसानिमित्त देखील आर्थिक मदत करू शकता. यामध्ये ः

१. परदेशी उच्च शिक्षणासाठी जाणाऱ्या एका विद्यार्थ्यास किमान एक लाख रुपयांची मदत देऊ शकता.
२. करिअर डेव्हलपमेंट शिष्यवृत्ती या योजनेसाठी एका विद्यार्थ्यासाठी पाच हजार ते बारा हजार रुपयांपर्यंत मदत करू शकता.
३. शैक्षणिक पालकत्व योजनेअंतर्गत पाचवी ते नववीपर्यंतच्या एका विद्यार्थ्यांच्या एका वर्षाच्या शैक्षणिक खर्चासाठी दहा हजार रुपयांची मदत करू शकता.
४. क्रीडा, संगीत, गायन अशा क्षेत्रात करिअर करणाऱ्या विद्यार्थ्यांसाठी शिष्यवृत्ती सुरू करण्याचे संस्थेचे नियोजन आहे. यासाठी सुद्धा मदत करू शकता.
www.sakalindiafoundation.com या वेबसाइटवर जाऊन, ‘डोनेट नाऊ’ या बटनवर क्लिक करून, आपण ऑनलाइन देणगी देऊ शकता. तसेच सकाळ इंडिया फाउंडेशन या नावाने मदतीचा धनादेश काढून खालील पत्यावर पोस्टाने व कुरिअरने पाठवू शकता. सकाळ इंडिया फाउंडेशन, प्लॉट नं २७, नरवीर तानाजीवाडी, पीएमपीएल बस डेपो शेजारी, शिवाजीनगर पुणे - ५
‘सकाळ इंडिया फाउंडेशन’साठीच्या देणग्या प्राप्तिकर कायद्याच्या ८० जी कलमान्वये प्राप्तिकर सवलतीस पात्र आहेत.
अधिक माहितीसाठी संपर्क (१० ते ६ या वेळेत) – ०२०-६६२६२१७४ / ८६०५०१७३६६

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top