‘रमाई महोत्सवा’चे बुधवारपासून आयोजन | Sakal
sakal

बोलून बातमी शोधा

‘रमाई महोत्सवा’चे बुधवारपासून आयोजन
‘मॉडर्न’च्या विद्यार्थ्यांचा स्नेहमेळावा

‘रमाई महोत्सवा’चे बुधवारपासून आयोजन

sakal_logo
By

पुणे, ता. २८ ः महामाता रमामाई भीमराव आंबेडकर यांच्या १२५ व्या जयंतीचे औचित्य साधून देशातील लोकसहभागातील ‘रमाई महोत्सवाचे’ आयोजन महामाता रमामाई भीमराव आंबेडकर राष्ट्रीय स्मारक समिती व आडकर फाउंडेशनतर्फे केले आहे. दोन ते सात फेब्रुवारीपर्यंत हा महोत्सव साजरा करण्यात येणार आहे. त्यात रमामाईंच्या स्मृतींना व विचारांना उजाळा देण्यासाठी विविध कार्यक्रम आयोजित केल्याचे रमाई महोत्सवाचे अध्यक्ष ॲड. प्रमोद आडकर यांनी पत्रकार परिषदेत दिली.

याप्रसंगी मुख्य समन्वयक विठ्ठल गायकवाड आणि समाजमाध्यम प्रमुख अभिजित जाधव उपस्थित होते. गायकवाड म्हणाले, ‘‘या महोत्सवामध्ये विविध लोकप्रबोधनपर कार्यक्रम, कविसंमेलन, रमाईरत्न पुरस्कार वितरण आदी कार्यक्रम आयोजित केले आहेत. यामध्ये विधानपरिषदेच्या उपसभापती डॉ. नीलम गोऱ्हे, डॉ. विश्‍वजीत कदम, पुणे महापालिकेच्या उपमहापौर सुनीता वाडेकर, बार्टीचे महासंचालक धम्मज्योती गजभिये आदी उपस्थित राहणार आहेत.’’

ॲड. आडकर म्हणाले, ‘‘सहा दिवसांचा हा महोत्सव भीमराव आंबेडकर राष्ट्रीय स्मारक, वाडिया कॉलेजसमोर दररोज सायंकाळी सहा ते आठ या वेळेत होईल. महोत्सवाचे उद्घाटन बुधवारी (ता. २) होणार असून, रामजीबाबा आंबेडकर यांच्या स्मृतीदिनानिमित्त ‘रामजीबाबा आंबेडकर स्मृती पुरस्कारा’चे आयोजन केले आहे.’’

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top