अखेर तीन ठेकेदारांचे ५८ कोटी पीएमपी देणार | Sakal
sakal

बोलून बातमी शोधा

अखेर तीन ठेकेदारांचे 
५८ कोटी पीएमपी देणार
अखेर तीन ठेकेदारांचे ५८ कोटी पीएमपी देणार

अखेर तीन ठेकेदारांचे ५८ कोटी पीएमपी देणार

sakal_logo
By

पुणे, ता. ११ ः भाडेतत्‍वावर बस पुरविणाऱ्या ठेकेदारांचा दंड माफ करण्यात आलेला नाही तर, पीएमपीला त्यातील तीन ठेकेदारांना ५८ कोटी २२ लाख रुपये द्यावे लागणार आहेत. सुमारे तीन वर्षांपासून देणे असलेली रक्कम प्रदान करण्यास संचालक मंडळाने मंजुरी दिली आहे. दोन्ही महापालिकांनी निधी दिल्यावर ही रक्कम ठेकेदारांना देण्यात येणार आहे.
प्रसन्न पर्पल मोबिलिटी सोल्यूशन्स, बी. व्ही. जी. इंडिया आणि ॲन्टोनी गॅरेजेस यांना अनुक्रमे १४ कोटी ७२ लाख, २३ कोटी ३० लाख रुपये आणि २० कोटी २० लाख रुपयांची रक्कम मिळणार आहे. या ट्रॅव्हल टाइम कार रेंटल प्रायव्हेट लिमिटेड या कंपनीने केलेल्या दाव्याबाबत त्यांची पीएमपीबरोबर चर्चा सुरू आहे. तिन्ही ठेकेदारांनी प्रत्येकी ११० बस पीएमपीला भाडेतत्त्वावर पुरविल्या आहेत. त्यांच्या देयकातून पीएमपीचे तत्कालीन अध्यक्ष आणि व्यवस्थापकीय संचालक तुकाराम मुंडे यांनी मोठ्या प्रमाणात दंड वसूल केला होता. त्यामुळे बिलापेक्षा दंडाची रक्कम जास्त झाली होती. या बाबत ठेकेदारांनी पीएमपीकडे अपील केले. त्यासाठी निवृत्त शासकीय अधिकाऱ्यांचे दोन लवाद पीएमपीने नियुक्त केले होते. त्यांच्याकडे या बाबत सुमारे सहा महिने सुनावणी झाली. त्यांनी निकाल दिल्यावर, त्या बाबत उच्च न्यायालयाच्या निवृत्त न्यायमूर्तींकडे कायदेशीर सल्ला घेण्यात आला. त्यानंतर पीएमपीने तिन्ही ठेकेदारांशी चर्चा केली. त्यातून तिन्ही ठेकेदारांची मिळून ५८ कोटी २२ लाख रुपयांची रक्कम पीएमपीने देण्यास संचालक मंडळाने मंजुरी दिली. आता दोन्ही महापालिकांनी निधी दिल्यावर पीएमपी ही रक्कम ठेकेदारांना देणार आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top