नगरच्या बिझनेस हबकडे पुणेकरांचे लक्ष | Sakal
sakal

बोलून बातमी शोधा

नगरच्या बिझनेस हबकडे पुणेकरांचे लक्ष
नगरच्या बिझनेस हबकडे पुणेकरांचे लक्ष

नगरच्या बिझनेस हबकडे पुणेकरांचे लक्ष

sakal_logo
By

पुणे, ता. १२ ः नगर शहरात भव्य असा बिझनेस हब व आलिशान निवासाचा प्रकल्प साकारत आहे. मॉल, मनोरंजन, ऑफिसेस, स्टार हॉटेल असलेला ‘ऑरम बिझनेस हब’ आणि ‘ऑरो रेसिडेन्सेस’ हा गृहप्रकल्प दोन एकरांच्या प्रांगणात निर्माण होत आहे. पुणे, मुंबईच्या तोडीचा हा प्रकल्प नगरची शान वाढविणारा आहे. हा प्रकल्प शहराची आधुनिक ओळख निर्माण करणारा ठरेल. पुणे, नाशिककरांनाही हा प्रकल्प अधिक फायदेशीर होईल, असे प्रतिपादन आमदार अरुण जगताप यांनी केले.
नगर-मनमाड रस्त्यावर गरुड हॉस्पिटलशेजारी असलेल्या ऑरम बिझनेस हब व ऑरो रेसिडेन्सेस या प्रकल्पाचा प्रारंभ शनिवारी झाला. या वेळी प्रमुख पाहुणे म्हणून आमदार जगताप बोलत होते. साई मिडास, वेंकटेश आणि महावीर या तीन व्हेंचर्सची संयुक्त निर्मिती असलेला ऑरम बिझनेस हब हा सर्व सुविधायुक्त प्रकल्प आहे. कार्यक्रमास माजी मंत्री शिवाजी कर्डिले, आमदार संग्राम जगताप, जितोचे विजय भंडारी, विजय मर्दा, राजेश भंडारी, ॲड. जयवंत भापकर, मयूर शेटिया, हेमचंद्र इंगळे, प्रभाकर बोरकर, गणेश गोंडाळ यांच्यासह नगरसह राज्यातील उद्योजक, व्यापारी, व्यावसायिक आदी उपस्थित होते. या वेळी कर्डिले, आमदार संग्राम जगताप यांची भाषणे झाली. राजेश भंडारी यांनी आभार मानले.
या प्रकल्पात स्मार्ट ऑफिसेस ६०० ते एक हजार ८७९ स्क्वेअर फुटांची असतील. डॉक्टर, वकील, सी. ए. यांसारख्या ऑफिससाठी उपयुक्त आहेत. महावीर ग्रुपतर्फे ऑरो रेसिडेन्सेस हा गृहप्रकल्प असून, त्यामध्ये १९५३ ते २९३६ स्क्वेअर फुटांचे फ्लॅट्स आहेत. आधुनिक आणि दर्जेदार सुविधा असलेला हा प्रकल्प नगरमध्ये असला, तरी पुण्यातील कंपन्या किंवा गुंतवणूकदारांसाठीही तो फायद्याचा असेल.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top