मुलांच्या लसीकरणावर उद्या मोफत मार्गदर्शन

मुलांच्या लसीकरणाविषयी वेबिनार पुणे, ता. १३ : १५ ते १८ वयोगटातील मुलांसाठी कोरोना प्रतिबंधक लसीकरण सुरू झाले आहे. या पार्श्वभूमीवर सकाळ माध्यम समूहातील ‘सकाळ सोशल फाऊंडेशन’च्या ‘वुई आर इन धिस टुगेदर’ (we are in this together) या मोहिमेंतर्गत ‘कोरोना व मुलांचे लसीकरण’ याविषयी मुले आणि पालकांसाठी शनिवारी (ता. १५) सायंकाळी ५ वाजता झूम वेबिनारचे मोफत आयोजन करण्यात आले आहे. बालरोगतज्ज्ञ व महाराष्ट्राच्या बाल-कोविड समितीचे सदस्य डॉ. प्रमोद जोग हे या वेळी मार्गदर्शन करणार आहेत. मुलांच्या लसीकरणाचे महत्त्व, त्यांच्या लसीकरणाविषयी पालकांच्या मनातील भीती व गैरसमज, कोरोना आटोक्यात आणण्यासाठी मुलांचे लसीकरण होणे गरजेचे का आहे, कोरोना व मानसिक आरोग्य आदींबाबत या वेळी मार्गदर्शन करण्यात येणार आहे. सहभागी होण्यासाठी... वेबिनारमध्ये सहभागी होण्यासाठी पुढील लिंक ओपन करून रजिस्ट्रेशन करावे. त्यानंतर आपल्या ई-मेल आयडीवर झूम लिंक व पासवर्ड मिळेल. लिंक : https://tinyurl.com/2p9e5vmj