
शक्ती कायदा विधेयक त्वरीत मंजुरीसाठी राष्ट्रपतींकडे पाठविण्याची गरज ः डॉ. गोऱ्हे
पुणे, ता. ३१ ः महिलांना समाजात कुप्रवृत्तीपासून संरक्षण मिळावे या हेतूने ‘शक्ती’ कायदा अस्तित्वात येण्यासाठी म्हणून राज्य सरकारने विशेष विधेयक मंजूर केले. या विधेयकाचे कायद्यात रूपांतर करण्यासाठी त्यास त्वरित राष्ट्रपतींकडे पाठविण्याची आवश्यकता असल्याचे प्रतिपादन महाराष्ट्र विधान परिषदेच्या उपसभापती डॉ. नीलम गोऱ्हे यांनी पत्रकार परिषदेत केले.
तळेगाव दाभाडे या ठिकाणी एका तरुण मुलीवर एकतर्फी प्रेमातून डोक्यात मारहाण करून जखमी करण्याची घटना नुकतीच घडली. त्यासंदर्भात त्या बोलत होत्या. या आरोपीला कठोर शिक्षा होण्यासाठी योग्य कार्यवाही करण्याच्या सूचना डॉ. गोऱ्हे यांनी पिंपरी चिंचवड पोलिस आयुक्त कृष्ण प्रकाश यांच्याशी चर्चा करून दिल्या आहेत. महाराष्ट्रात नुकताच शक्ती कायद्यासाठी विधेयक मंजूर करण्यात आले असून ते राज्यपालांकडे आहे. ते कायद्यात रूपांतरित करण्यासाठी राष्ट्रपतींकडे पाठविण्यासाठी राज्य शासनाकडून पाठपुरावा केला जाणार असल्याचेही गोऱ्हे यांनी सांगितले.
Web Title: Todays Latest Marathi News
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..