‘मराठा समाजाच्या कल्याणासाठी लढणार’ माजी मंत्री सावंत यांचा जिजाऊरत्न पुरस्काराने सन्मान | Sakal
sakal

बोलून बातमी शोधा

‘मराठा समाजाच्या कल्याणासाठी लढणार’

माजी मंत्री सावंत यांचा जिजाऊरत्न पुरस्काराने सन्मान
‘मराठा समाजाच्या कल्याणासाठी लढणार’ माजी मंत्री सावंत यांचा जिजाऊरत्न पुरस्काराने सन्मान

‘मराठा समाजाच्या कल्याणासाठी लढणार’ माजी मंत्री सावंत यांचा जिजाऊरत्न पुरस्काराने सन्मान

sakal_logo
By

पुणे, ता. १२ ः जिजाऊंनी ज्या पद्धतीने छत्रपती शिवाजी महाराजांवर संस्कार केले. त्यांच्या विचारांनी संपूर्ण विखुरलेला मराठा समाज एकत्र करण्याचे कार्य झाले. तोच विचार मनात ठेवून सर्व मराठा संघटनांना एकत्र करून मराठा आरक्षण आणि समाजाच्या अडचणींसाठी रक्ताच्या शेवटच्या थेंबापर्यंत लढत राहील, असा शब्द जयवंत शिक्षण प्रसारक मंडळाचे संस्थापक अध्यक्ष, माजी मंत्री व आमदार तानाजी सावंत यांनी बुधवारी दिला.

मराठा सेवा संघ, पुणे शहरतर्फे ३ जानेवारी क्रांतिज्योती सावित्रीबाई फुले जयंती ते १२ जानेवारी राष्ट्रमाता राजमाता जिजाऊ जयंतीपर्यंत दशरात्र महोत्सवाचे आयोजन करण्यात आले होते. सावंत यांना जिजाऊरत्न पुरस्काराने तमिळनाडूतील तंजावर येथील व्यंकोजीराजे यांचे थेट वंशज विजयराजे भोसले यांचे हस्ते गौरवण्यात आले. या वेळी पुरस्काराला उत्तर देताना ते बोलत होते. या प्रसंगी योगाचार्य शिवमती सुमन कुसळे यांना जिजाऊ स्मृती सन्मानाने गौरविण्यात आले. कार्यक्रमाचे आयोजन लाल महाल येथे करण्यात आले होते. नगरसेवक योगेश समेळ, नाना निवंगुणे, नीता रजपूत, सीमा महाडिक, हर्षवर्धन मगदूम, राजेंद्र बलकवडे, अनसूया गायकवाड, वंदना इंदापूरकर, आरती घुले, नंदा कवळे, प्रफुल्लता वडके, स्वाती अंदुरे, डॉ. चंद्रकांत कुंजीर, अण्णा तळेकर आदी उपस्थित होते.

या प्रसंगी विजयराजे भोसले यांनी मराठा सेवा संघाच्या कार्याचे कौतुक केले. संघाचे शहराध्यक्ष सचिन आडेकर व मराठा सेवा संघाचे केंद्रीय कार्यकारिणी सदस्य राजेंद्र कुंजीर यांनी कार्यक्रमाचे आयोजन केले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top