डॉ. बोरगावकर यांना विवेकानंद पुरस्कार | Sakal
sakal

बोलून बातमी शोधा

डॉ. बोरगावकर यांना विवेकानंद पुरस्कार
तपासणीसाठी रुग्णालयांच्या ओपीडी फुल्ल विषाणूजन्य आजारांचे प्रमाणात वाढल्याने पुणेकर हैराण

डॉ. बोरगावकर यांना विवेकानंद पुरस्कार

sakal_logo
By

पुणे ः शहरातील आदर्श बहुव्यापी शिक्षण व संशोधन महाविद्यालयातील माजी विद्यार्थी व प्रा. डॉ. प्रभाकर बोरगावकर यांच्या शैक्षणिक व सामाजिक कार्याची दखल घेऊन त्यांना स्वामी विवेकानंद आंतरराष्ट्रीय पुरस्कार देऊन नुकतेच सन्मानित करण्यात आले. आंध्र प्रदेशातील लोकहित संस्थेमार्फत स्वामी विवेकानंद यांच्या जयंतीनिमित्त हैदराबाद येथे आयोजित पुरस्कार वितरण समारंभात देशातील काही निवडक व्यक्तींना या पुरस्काराने गौरविण्यात आले, त्यात डॉ. बोरगावकर यांचा समावेश होता. डॉ. बोरगावकर यांना आतापर्यंत महाराष्ट्र, मध्यप्रदेश, गोवा, आंध्रप्रदेश, तेलंगाण, कर्नाटक, ओरिसा, उत्तरप्रदेश आणि तमिळनाडू या राज्यातील विविध संस्थांनी विविध स्तरावरील पुरस्कार देऊन सन्मानित केले आहे. तसेच ‘नॅशनल कौन्सिल फॉर टिचर एज्युकेशन, दिल्ली’मार्फत बंगलोर, भोपाळ, भुवनेश्वर आणि जयपूर या विभागीय क्षेत्रात येणाऱ्या एकूण ३६ शैक्षणिक संस्थांच्या तपासणीचे काम डॉ. बोरगावकर यांनी केले आहे.

स्वामी विवेकानंद जयंती साजरी
पुणे ः शहरातील विमाननगर येथील सोनग्रा साहित्य केंद्रात स्वामी विवेकानंद जयंती नुकतीच साजरी करण्यात आली. समाजसेवक संजय चौधरी यांच्या अध्यक्षतेखाली हा कार्यक्रम पार पडला. स्वामी विवेकानंद यांनी देशात हिंदू-मुस्लीम ऐक्यासाठी निरंतर प्रयत्न केले, असे प्रतिपादन ज्येष्ठ साहित्यिक आचार्य रतनलाल सोनग्रा यांनी यावेळी केले. सभेत आचार्य रतनलाल सोनग्रा संकलित ‘मी समाजवादी आहे’ या पुस्तिकेचे वितरण करण्यात आले. आरती सोनग्रा यांनी आभार मानले.

‘उत्कर्ष - द रायझिंग’चे उद्‍घाटना
पुणे ः आज सरकारी शाळेतील अनेक शिक्षक आपले कर्तव्य विसरत चालले आहेत. त्यामुळे जिल्हा परिषदेच्या शाळेतील शिक्षणाचा दर्जा घसरत चालला आहे. चित्रपट माध्यमाचा वापर करून शिक्षणाबद्दल जागृती आणता येऊ शकते, असे मत डॉ. रवी पिल्ले यांनी व्यक्त केले. स्वामी विवेकानंद जयंतीनिमित्त वीणा क्रिएशन्स निर्मित ‘उत्कर्ष - द रायझिंग’ या चित्रपटाच्या उद्‍घाटनाप्रसंगी ते बोलत होते. यावेळी यशवंत फिल्मचे संजय गायकवाड, जयप्रकाश प्रसाद, अनिकेत शेलार, चित्रपटाचे अभिनेते प्रा. विजय बोबडे आदी उपस्थित होते. प्रा. नितीन माने यांनी प्रास्ताविक केले. प्रा. अर्चना म्हस्के यांनी सूत्र संचालन केले. तर हेमा भाटिया यांनी आभार मानले.

उमेश साळवी यांची नियुक्ती
पुणे ः स्वयंसिद्धी अपंग समाज विकास केंद्र या संस्थेच्या उपाध्यक्षपदी उमेश साळवी यांची एकमताने नुकतीच निवड झाली. संस्थेचे अध्यक्ष श्रीराम सिद्धपाठकी, सचिव अनिल केळकर व जीवनधारा शाळेच्या माजी प्राचार्या सुजाता शिंदे यांच्या उपस्थितीत त्यांना नियुक्तीपत्र देण्यात आले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top