मोझे प्रशालेत मराठी भाषा दिन साजरा

पुणे, ता. २८ ः येरवडा येथील गेनबा सोपानराव मोझे प्राथमिक प्रशालेत मराठी भाषा गौरवदिनानिमित्त विविध उपक्रमांनी साजरा करण्यात आला. याप्रसंगी ज्ञानपीठ पुरस्कारप्राप्त कवी कुसुमाग्रज तथा वि. वा. शिरवाडकर यांना अभिवादन करण्यासाठी ग्रंथदिंडीचे आयोजन करण्यात आले होते. लेझीम पथकाच्या माध्यमातून वाजत गाजत ग्रंथदिंडीचे स्वागत करण्यात आले. यावेळी संस्थेचे अध्यक्ष रामभाऊ मोझे यांनी ज्ञानेश्वरी या ग्रंथाचे पूजन केले. स्वातंत्र्यवीर वि. दा. सावरकर यांच्या पुण्यतिथीनिमित्त त्यांच्या प्रतिमेलाही पुष्पहार अर्पण करण्यात आला. संपूर्ण कार्यक्रमाचे आयोजन राजू मंच आणि मीना मंचमधील विद्यार्थ्यांनी बालसभेच्या माध्यमातून केले होते. यावेळी शाळेतील शिक्षिका स्वाती मोरे, मीना नाळे आणि अनिता शिरसाट यांनी कुसुमाग्रजांच्या कविता सादर केल्या.