पुणे, ता. २८ ः मध्य रेल्वेमधील प्रत्येक विभाग, कार्यशाळा आणि शेडमधील भंगार विक्रीस काढले आहे. रेल्वेचे विभाग भंगारमुक्त करण्यासाठी ‘झिरो स्क्रॅप’ मिशन सुरू केले आहे. या मिशनमध्ये पाच विभाग आणि इतर डेपोंमधील भंगार विक्रीचा उपक्रम हाती घेतला आहे. याचाच भाग म्हणून रेल्वेला भंगार विक्रीतून जानेवारी २०२१ ते फेब्रुवारी २०२२ पर्यंत भंगारातून ४४३.३५ कोटींचे उत्पन्न प्राप्त झाले आहे. स्क्रॅप रूळ, पर्मनंट-वे सामग्री, वापर करण्यास अयोग्य डबे, वॅगन आणि लोकोमोटिव्ह आदींचा समावेश भंगार सामग्रीमध्ये आहे. गेल्या वर्षीचे उत्पन्न ३३६.७८ कोटी होते. यावर्षी या उत्पन्नात ३१.६५ टक्क्यांनी वाढ होत १०६.५७ कोटींचे अधिक उत्पन्न मिळाले आहे. मध्य रेल्वेचे महाव्यवस्थापक अनिल कुमार लाहोटी यांनी सांगितले की, भंगाराच्या विक्रीमुळे केवळ महसूल मिळत नाही, तर परिसराची चांगली देखभालही होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.