पुणे, ता. २४ ः अनधिकृत फ्लेक्समुळे शहर बकाल होत असल्याने हे फ्लेक्स काढण्याची मोहीम कायम सुरू ठेवावी, तसेच याप्रकरणी विभागीय कार्यालयातील अधिकारी, कर्मचाऱ्यांना जबाबदार धरून त्यांच्यावर कारवाई करावी, अशी मागणी पुणे शहर माजी महापौर संघटनेने महापालिका आयुक्त विक्रम कुमार यांच्याकडे केली आहे.
प्रशासक म्हणून आयुक्त कुमार यांची नियुक्ती झाल्याने माजी महापौरांच्या शिष्टमंडळाने आज आयुक्तांची भेट घेतली. या वेळी बाळासाहेब शिवरकर, राजलक्ष्मी भोसले, कमल व्यवहारे, उल्हास ढोले-पाटील, अंकुश काकडे, शांतिलाल सुरतवाला, दत्तात्रेय गायकवाड, वैशाली बनकर, प्रशांत जगताप उपस्थित होते.
‘सकाळ’ने अधिकृत फ्लेक्सचा प्रश्‍न मांडला, त्यास पुणेकरांनी भरभरून प्रतिसाद देत ‘चमकोगिरीसाठी शहराचे विद्रूपीकरण थांबवा’ अशी मागणी केली आहे, तसेच राजकीय पदाधिकारी, त्यांच्या कार्यकर्त्यांवर टीका केली आहे. माजी महापौरांच्या संघटनेनेही अनधिकृत फ्लेक्सचा मुद्दा उपस्थित करून विभागीय कार्यालयास यासाठी जबाबदार धरा, अशी मागणी केली आहे. त्याचप्रमाणे फ्रंट मार्जिनमधील कारवाई सुरू ठेवावी, यासाठी कोणाचाही दबाव आला तरी कारवाई थांबवू नये. शहरातील प्रलंबित रस्त्यांची रुंदीकरण त्वरित करावेत, गरज पडल्यास पोलिसांची मदत घ्यावी. १ जानेवारी २१ ते १४ मार्च २०२२ या कालावधीत अभिप्राय न घेता महापालिकेच्या जागा वाटप केल्या आहेत, ते ठराव रद्द करावेत या मागण्याही संघटनेने आहेत.
--------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
