सीएनजी सहा रुपयांनी स्वस्त | Sakal
sakal

बोलून बातमी शोधा

सीएनजी सहा रुपयांनी स्वस्त
सीएनजी सहा रुपयांनी स्वस्त

सीएनजी सहा रुपयांनी स्वस्त

sakal_logo
By

पुणे, ता. १ : राज्य सरकारने सीएनजी इंधनावरील मूल्यवर्धित कर (व्हॅट) १० टक्क्यांनी कमी केल्याने त्याच्या दरात प्रतिकिलो ६.३० रुपयांची घट झाली. त्यामुळे पुणे आणि पिंपरी-चिंचवडमध्ये आता सीएनजी प्रतिकिलो ६२.२० रुपयांना मिळणार आहे. परिणामी सीएनजी वाहनधारकांना मोठा दिलासा मिळाला आहे.


उपमुख्यमंत्री अजित पवार यांनी अर्थसंकल्पात घोषणा केल्याप्रमाणे सीएनजीवरील व्हॅट १३.५ टक्क्यांवरून तीन टक्के इतका कमी करण्याचे अधिवेशनाच्या शेवटच्या दिवशी जाहीर केले होते. त्यांची अंमलबजावणी गेल्या १ एप्रिलपासून सुरु झाल्याने सीएनजीचे दर कमी झाले आहेत.

एक दिवस आधी झाली दरवाढ
गुरुवारी (ता.३१) सीएनजी इंधन प्रतिकिलो अडीच रुपयांनी महागले होते. त्यामुळे ते ६८.५० रुपये प्रतिकिलो झाले होते. मात्र, त्याच्या दुसऱ्याच दिवशी दर ६.३० रुपयांनी कमी झाले. दर कमी होणार म्हणून ही वाढ केली होती, अशी नाराजी वाहन चालकांकडून व्यक्त होत आहे. दरवाढ झाली नसती, तर सीएनजी आणखी स्वस्त झाले असते, असे सीएनजी वाहनचालक नीलेश पोकळे यांनी सांगितले.

सीएनजी तयार करण्यासाठी स्थानिक आणि आयात केलेले दोन प्रकारचे गॅस वापरण्यात येतात. आयात केलेल्या गॅसची किंमत गेल्या काही दिवसांत वाढली आहे. तर स्थानिक गॅसची देखील कमतरता आहे. त्यामुळे येत्या काळात सीएनजीचे दर वाढण्याची शक्यता आहे.
-दीपक सावंत, व्यवस्थापकीय संचालक, महाराष्ट्र नॅचरल गॅस लिमिटेड

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top