खूनाचा प्रयत्न करणाऱ्या दोघांना बेड्या

पुणे, ता. २४ : महापुरुषांच्या जयंतीनिमित्त छापलेल्या बॅनरवर छायाचित्र न छापल्याच्या रागातून दोघांना हातोड्याने मारहाण करून त्यांच्या खुनाचा प्रयत्न करण्यात आला. ही घटना १९ एप्रिल रोजी रात्री नऊ वाजण्याच्या सुमारास कात्रजमधील शिवशंभोनगरमध्ये घडली. याप्रकरणी बिबवेवाडी पोलिसांनी दोघांना अटक केली.

नुरूद्दीन निजामउद्दीन मुल्ला (वय २५), रवीकिसन जरपुला (वय ३८, दोघेही रा. गोकुळनगर, कात्रज ) अशी अटक केलेल्यांची नावे आहेत. याप्रकरणी पंडित वेंटेनवरू (वय २०, रा. बिबवेवाडी) यांनी फिर्याद दिली आहे. पंडित व त्याचा मित्र गंगाराम काळे हे दोघेजण १९ एप्रिल रोजी रात्री शिवशंभोनगर येथे गप्पा मारत बसले होते. त्यावेळी तेथे आलेल्या नुरूद्दीनसह व रवीकिसन यांनी फिर्यादीस यास महापुरुषांच्या जयंतीनिमित्त छापलेल्या बॅनरवर आपले छायाचित्र न छापल्याबद्दल विचारणा केली. त्यानंतर नुरूद्दीन व रविकिसन यांनी पंडित व गंगाराम यांना मारहाण केली. त्याचबरोबर त्यांच्याकडील हातोड्यानेही दोघांना मारल्याने दोघेही गंभीर जखमी झाले.