राजुरी येथील विद्यालयात कला महोत्सवाचा जल्लोष

आळेफाटा, ता. २६ ः राजुरी (ता. जुन्नर) येथील जिल्हा परिषदेच्या प्राथमिक शाळेचे वार्षिक स्नेहसंमेलन (कला महोत्सव २०२५) मोठ्या उत्साहात पार पडले. या कार्यक्रमाचे उद्‍घाटनावेळी माजी सभापती दिपक औटी, जिल्हा परिषदेच्या माजी सदस्या स्नेहल शेळके, सरपंच प्रिया हाडवळे, उपसरपंच माऊली शेळके, विघ्नहर साखर कारखान्याचे संचालक कुंडलिक हाडवळे, वल्लभ शेळके, एम. डी. घंगाळे, गोरक्ष हाडवळे, मंगेश औटी, मुसलमान जमातीचे सदर शाकीर चौगुले, पुणे जिल्हा राष्ट्रवादी युवक काँग्रेसचे उपाध्यक्ष जयसिंग औटी, सुभाष औटी, नितीन औटी, अनंतराव गटकळ, सारीका औटी, पंकज कणसे, गंगाराम औटी, शालेय व्यवस्थापन समितीचे अध्यक्ष विकास घंगाळे, गटशिक्षणाधिकारी अशोक लांडे यांसह पालक, ग्रामस्थ उपस्थित होते.
या प्रसंगी शाळेतील तालुकास्तरीय स्पर्धेत यश संपादन करणाऱ्या व शैक्षणिक वर्षातील गुणवंत विद्यार्थ्यांचा सन्मानचिन्ह, प्रशस्तीपत्र देऊन सन्मान करण्यात आला. यानंतर झालेल्या सांस्कृतिक कार्यक्रमात विद्यार्थ्यांनी नृत्य, लावणी, गायन, वादन, एकांकिका (अफजलखानाचा वध) आदी कला सादर केल्या. शाळेचे मुख्याध्यापक सयाजी हाडवळे, शिक्षक प्रतिभा घंगाळे, नानाभाऊ कणसे, रेश्मा गुळवे आदींनी कार्यक्रमाचे नियोजन केले होते. मधुकर उवलणे व दत्तात्रय हाडवळे यांनी सूत्रसंचालन केले.