बार्शीच्या महावितरण कार्यालयातील सुरक्षा रक्षकांवर वेतनाअभावी उपासमारीची वेळ .

सुरक्षा रक्षकाचे कार्टून स्वरुपातील संग्रहित चित्र वापरा

बार्शीतील महावितरणच्या ५० सुरक्षा रक्षकांवर उपासमारीची वेळ
पाच महिन्यांपासून वेतन नाही; पैशांची मागणी होत असल्याची तक्रार

सकाळ वृत्तसेवा
बार्शी, ता. १५ ः सोलापूर जिल्हा सुरक्षा मंडळ यांच्याकडून महावितरण कार्यालयात कार्यरत असलेल्या साधारण ५०हून अधिक सुरक्षा रक्षकांना पाच-पाच महिने वेतन मिळत नसून, त्यांच्या कुटुंबावर उपासमारीची वेळ आली आहे. महाराष्ट्र सुरक्षा रक्षक महासंघाने सहायक कामगार आयुक्त सोलापूर, अधीक्षक अभियंता महावितरण विभाग यांना निवेदन देऊन लाचलुचपत विभागाशी संपर्क साधावा लागेल असा इशारा दिला आहे.

शासनाच्या सोलापूर जिल्हा सुरक्षा रक्षक मंडळामार्फत बार्शी विभागात ५० पेक्षा अधिक सुरक्षा रक्षक कार्यरत आहेत. त्यांचे मागील वेतन जुलैमध्ये झाले असून, ऑगस्ट ते नोव्हेंबर अखेरचे वेतन अद्याप झालेले नाही. दर चार महिन्यांनी पगार होतो तो पण एकदमही मिळत नाही एक महिना अथवा दोन महिन्याचा मिळतो अशी परिस्थिती आहे.
बार्शी विभागात सुरक्षा रक्षकांचे वेतन करण्यासाठी पैशाची मागणी केली जाते, असे अनेक सुरक्षा रक्षकांनी लेखी पत्र दिले आहे. तुम्ही आमचे नोकर नाहीत, तुमचे पगाराविषयी कामे करतो अन्यथा करणार नाही, तुम्हाला काय करायचे ते करा असे कार्यालयातील लिपिक अनिल घोळवे उत्तर देतात असे सुरक्षा रक्षकांनी सांगितले.
संघटनेच्या सभासदांवर उपासमारीची वेळ येत असून वेतनाबाबत सुरक्षा रक्षकांना नाहक त्रास सहन करावा लागत आहे लाचेची मागणी करीत आहेत. सुरू असलेल्या गैरप्रकाराबाबत तत्काळ सखोल चौकशी करावी कारवाई झाली नाही तर न्याय मागण्यासाठी नाइलाजास्तव लाचलुचपत प्रतिबंधक विभागाकडे पत्रव्यवहार करावा लागेल असे संघटनेने म्हटले आहे.

कोट
- सुरक्षा रक्षकांचे वेतन त्यांच्या उपस्थितीनुसार करण्यात येते. त्यांचा हजेरी अहवाल सोलापूर गार्ड-बोर्ड कार्यालयास देण्यात येतो. त्यानंतर तेथून बिल आल्यानंतर वेतन अदा प्रक्रिया करण्यात येते. या प्रक्रियेला कालावधी जातो. त्यामुळे वेतन उशिरा मिळत आहे.
- अनिल घोळवे, उच्चस्तर लिपिक, महावितरण, बार्शी