बार्शीत राज्यस्तरीय व्हॉलीबॉल स्पर्धेचे आयोजन

बार्शीत सोमवारपासून व्‍हॉलिबॉल स्पर्धा
बार्शी शहर : कर्मवीर डॉ. मामासाहेब जगदाळे यांच्या १२३ व्या जयंतीनिमित्त श्री शिवाजी महाविद्यालयामध्‍ये सोमवारपासून (ता. २९ व ३०) राज्यस्तरीय निमंत्रित पुरुष गट व्हॉलीबॉल स्पर्धा आयोजित केल्याची माहिती प्राचार्य डॉ.अब्दुल शेख यांनी दिली. या स्पर्धा श्री शिवाजी महाविद्यालय, महाराष्ट्र व्हॉलिबॉल असोसिएशन आणि व्हॉलीबॉल असोसिएशन सोलापूर तसेच क्रीडा व शारीरिक शिक्षण विभाग पुण्यश्लोक अहिल्यादेवी होळकर सोलापूर विद्यापीठ यांच्या संयुक्त विद्यमाने आयोजित करणार आहेत. या स्पर्धेत पुणे, मुंबई, छत्रपती संभाजीनगर, नागपूर, सातारा, सांगली, सोलापूर, धाराशिव व लातूर या जिल्ह्यातील एकूण दहा संघ सहभागी होणार आहेत. या स्पर्धेसाठी प्रथम क्रमांकास २१ हजार, द्वितीय क्रमांकास १५ हजार व तृतीय क्रमांकास ११ हजार रुपये रोख बक्षिसासह प्रमाणपत्र व स्मृतीचिन्ह दिले जाणार आहे.