अमृतवाडीत उद्या फुड वाॅटर टेस्टींग लॅबचे उद्घाटन

अमृतवाडी येथे उद्या फूड वॉटर टेस्टिंग लॅबचे उद्‍घाटन

भुईंज, ता. १५ : अमृतवाडी (ता. वाई) येथे श्री कैलास फूड्सच्या सहकार्याने फूड व वाॅटर लॅबचे उद्‍घाटन बुधवारी सकाळी १० वाजता या लॅबचे उद्‍घाटन राज्याचे मदत व पुनर्वसनमंत्री मकरंद पाटील यांच्या हस्ते होणार आहे.
या वेळी अन्न व औषध प्रशासनाचे जिल्हा आयुक्त संजय शिंदे, किसन वीर कारखान्याचे उपाध्यक्ष प्रमोद शिंदे, महाराष्ट्र प्रदूषण नियंत्रण मंडळाचे उपप्रादेशिक अधिकारी अमोल सातपुते उपस्थित राहणार आहेत. या लॅबच्या माध्यमातून फूड टेस्टिंग (एफएसएसएआय मानकांनुसार), पाण्याची तपासणी, माती तपासणी, तसेच ऑन-साइट सॅम्पल कलेक्शन सुविधा देण्यात येणार आहेत. फूड मॅन्युफॅक्चरर्स, डेअरी व्यावसायिक, बेकरी व्यावसायिक, फूड प्रोसेसर्स आणि सर्व हाॅटेल्स या व्यवसायांना या चाचण्या स्थानिक पातळीवर उपलब्ध होणार आहेत. अवघ्या महाराष्ट्राला कैलास फूड्सच्या उत्पादनातून नमकीन पदार्थासह विविध प्रकारच्या जिभेवर रेंगाळणाऱ्या देशी-विदेशी मिठाई पुरविणाऱ्या कैलास फूड्स उद्योगाने गतवर्षी नवीन दालन उघडले असून, आता त्याही पुढे जाऊन फूड वाॅटर टेस्टिंग लॅबचे उभारी करून ग्रामीण भागातील उद्योजकांना सुविधा उपलब्ध करून देण्यात आल्याचे कैलास फूड्‌सचे संचालक दत्तात्रय बांदल, सुरेखा बांदल, किरण बांदल यांनी सांगितले आहे.