धुक्यामुळे चारशेपेक्षा जास्त
विमानांचे वेळापत्रक बिघडले
सकाळ न्यूज नेटवर्क
नवी दिल्ली, ता. १५ ः उत्तर भारतातील थंडीमध्ये वाढ झाली असून दाट धुक्याचेही आगमन झाले आहे. धुक्यामुळे दृष्यमानतेचे प्रमाण कमी झाल्याने सोमवारी ६१ विमानांचे उड्डाण रद्द करण्यात आले तर चारशेपेक्षा जास्त विमानांचे वेळापत्रक बिघडले. हवाई वाहतुकीमध्ये आलेल्या व्यत्ययाचा फटका पंतप्रधान नरेंद्र मोदी, अर्जेंटिनाचा फुटबॉल खेळाडू लिओनेल मेस्सी आणि भाजपचे नवनियुक्त कार्यकारी अध्यक्ष नितीन नवीन यांनाही बसला.
पंतप्रधान मोदी हे तीन दिवसांच्या विदेश दौऱ्यासाठी सकाळी साडेआठ वाजता रवाना होणार होते. तथापि धुक्यामुळे त्यांना घेऊन जाणाऱ्या विमानाच्या उड्डाणास तासाभराचा विलंब झाला. मेस्सीला घेऊन येणारे विमान सकाळी लवकर उतरणार होते, पण मुंबईहून येणारे विमान दुपारी उतरल्याने मोदी आणि मेस्सी यांची भेट होऊ शकली नाही. भाजपचे कार्यकारी अध्यक्ष नवीन हे पदभार स्वीकारण्यासाठी दिल्लीला येत होते, त्यांचे विमानदेखील लांबले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.