दंड रद्द करून रिक्षाचालकांना दिलासा द्या ः आमदार शिरोळे

दंड रद्द करून रिक्षाचालकांना दिलासा द्या ः आमदार शिरोळे

शिवाजीनगर, ता. ५ : वाहन फिटनेस प्रमाणपत्र नूतनीकरण न केल्यास आकारला जाणारा दंड रिक्षाचालकांना परवडणारा नसल्याने तो रद्द करावा आणि त्यांना दिलासा द्यावा, अशी मागणी आमदार सिद्धार्थ शिरोळे यांनी विधानसभेत केली.
रिक्षाचालकांना दरवर्षी वाहन फिटनेस प्रमाणपत्राचे नूतनीकरण करून घेणे अनिवार्य असते. नागरिकांच्या सुरक्षेच्या दृष्टिकोनातून तसे प्रमाणपत्र असणे हे गरचेचे आहे. पण नूतनीकरण वेळेत झाले नाही तर रिक्षाचालकांकडून प्रतिदिन ५० रुपये दंड आकारला जातो. ही दंडाची रक्कम वाढत जाते. कालांतराने दंडाची रक्कम भरणे अशक्य होते. त्यामुळे प्रमाणपत्राचे नूतनीकरण काही कारणांनी लांबत जाते, हे लक्षात घेऊन दंडच रद्द करावा, अशी मागणी आमदार शिरोळे यांनी केली.
घराचा खर्च, रिक्षासाठी घेतलेल्या कर्जाची परतफेड, मुलांचे शिक्षण, आरोग्य अशा अनेक बाबींवर खर्च करत रिक्षाचालक कष्टाने संसार चालवत असतो, अशा स्थितीत फिटनेस प्रमाणपत्र नूतनीकरणाचा दंड हा मोठा भार होतो. त्या दंडातून मुक्तता करून रिक्षाचालकांना दिलासा द्यावा, असे आमदार शिरोळे यांनी सांगितले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com