भारुडी भाजनाने सांगता
भारुडी रंगले... हास्यविनोदाने भाविक लोटपोट झाले
गोंदवल्यात पुण्यतिथी महोत्सवाची सांगता; ‘श्रीं’च्या शिकवणीनुसार आचरणाचा घेतला वसा
गोंदवले, ता. १५ : श्री ब्रह्मचैतन्य महाराजांच्या पुण्यतिथी महोत्सवाच्या निमित्ताने सुरू असलेल्या भारुडात भाविकांनी टाळ्यांचा ताल धरला अन् जीवनात सुखी होण्यासाठी ‘श्रीं’च्या शिकवणीनुसार आचरण करण्याचा सल्ला वसा म्हणून स्वीकारत, जो तो आपल्या प्रांती पुन्हा मार्गस्थ झाला.
‘श्रीं''च्या पुण्यतिथी महोत्सवातील पालखी मिरवणुकीची आणि पुण्यतिथी महोत्सवाची सांगता आज झाली. तत्पूर्वी श्री ब्रह्मचैतन्य महाराजांच्या ११२ व्या पुण्यतिथी महोत्सवाच्या मुख्य दिवशी काल (रविवारी) पहाटे समाधीवर गुलाल फुले वाहण्यात आली. त्यासाठी लाखो भाविकांनी हजेरी लावली होती. त्यानंतर आज पहाटे देखील समाधी मंदिरातून ही पालखी मिरवणूक काढण्यात आली. पहाटेच्या कडाक्याच्या थंडीतही भाविक भजनात दंग झाले. सकाळी सातच्या सुमारास हा पालखी सोहळा थोरले श्रीराम मंदिरासमोर विसावला अन् भजनाला सुरुवात झाली. या वेळी ‘बयो तुला बुरगुंडा होईल गं...’ च्या भारुडाने उपस्थित भाविकांनीही टाळ्यांच्या माध्यमातून ताल धरला होता. लातूरचे कृष्णा महाराज जोगदंड यांनी भारुडातून भाविकांना खिळवून ठेवले होते. भाविकांनी त्यांना उत्स्फूर्त दाद दिलीच; परंतु भारुड म्हणजे काय? याबाबत त्यांनी विवेचन करून समाजातील अनिष्ट रूढी, परंपरा यावरही आसूड ओढले. विविध सोंगे घेऊन त्यांनी भारुडाच्या आपल्या शैलीतून श्री ब्रह्मचैतन्य महाराजांच्या शिकवणीचीही आठवण सर्वांना करून दिली. यावेळी ''रघुपती राघव राजाराम'' या सामूहिक भजनात भाविक तल्लीन झाले होते.
या भारुडांमधून जीवनात चांगल्यांची सांगत धरली, तर संपूर्ण आयुष्य चांगल्या प्रकारे व्यतीत होऊ शकते, यासाठी प्रयत्न करा, असा संदेश देण्यात आला. भारुडानंतर नऊच्या सुमारास ही पालखी पुन्हा मार्गस्थ झाली. वैभव चौकातून हा पालखी सोहळा समाधी मंदिरात पोचल्यावर ‘पोपट उडून गेला... पिंजरा रिकामा राहिला’ या भजनाने भाविकही गहिवरले.
-------------------------
ग्रामस्थही आनंदी
श्री ब्रह्मचैतन्य महाराजांच्या पुण्यतिथी महोत्सव काळात मार्गदर्श (सफला) एकादशी या एकाच दिवशी ‘श्रीं’चा पालखी सोहळा गावातील वैभव चौक मार्गे जातो. त्यामुळे आज या परिसरात अभूतपूर्व उत्साह दिसत होता. संपूर्ण पालखी मार्ग सडा रांगोळ्यांनी सुशोभित केला होता. आज जणू दीपावलीचा सण साजरा होत असल्याचा आनंद ग्रामस्थांच्या चेहऱ्यावर दिसत होता.
----------------------------
छायाचित्र :..........02526
गोंदवले बुद्रुक : श्री ब्रह्मचैतन्य महाराजांच्या पालखीसमोर सोमवारी झालेल्या भारुडी भजनातील हास्यविनोदात रमलेले भाविक. (फिरोज तांबोळी : सकाळ छायाचित्रसेवा)
.........................................................................
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.