मलकापूर कृष्णात रंगला भक्तिमय सोहळा

‘कृष्णा’त रंगला भक्तिमय संगीत मैफील

जयमाला भोसलेंच्या जयंतीदिनी आयोजन; रसिक मंत्रमुग्ध

मलकापूर, ता. १५ : कृष्णा परिवारातील (कै.) जयमाला जयवंतराव भोसले यांच्या ९३ व्या जयंतीनिमित्त आयोजित भक्तिमय संगीत सोहळा उत्साह व भावपूर्ण वातावरणात झाला. येथील कृष्णा विश्व विद्यापीठाच्या सभागृहात कार्यक्रमाचे आयोजन केले होते.
कृष्णा विश्व विद्यापीठाचे कुलपती डॉ. सुरेश भोसले व माजी मंत्री दिलीपराव देशमुख यांच्या हस्ते दीपप्रज्वलन आणि प्रतिमेला पुष्पहार अर्पण करून कार्यक्रमाचे उद्‌घाटन झाले. यावेळी सुवर्णादेवी देशमुख, ज्येष्ठ नेते मदनराव मोहिते, रंजना मोहिते, उत्तरा भोसले, पृथ्वीराज भोसले, वसुंधरा भोसले, विनायक भोसले, आनंदराव पाटील, तिलोत्तमा मोहिते, सुदन मोहिते, हर्षदा मोहिते, डॉ. प्रियदर्शनी पाटील, कृष्णा कारखान्याचे उपाध्यक्ष जगदीश जगताप, शारदा जाधव, रोहिणी शिंदे उपस्थिती होते.
या वेळी ‘अभंग रंग’ कार्यक्रमात सुप्रसिद्ध गायिका भाग्यश्री देशपांडे आणि ख्यातनाम गायक महेश केंठे यांनी सादर केलेल्या भक्तिगीतांनी उपस्थित रसिकांना मंत्रमुग्ध केले. विठ्ठलभक्ती, संतपरंपरा आणि अभंगांच्या माध्यमातून साकारलेली ही मैफील भक्ती, श्रद्धा आणि संस्कारांनी ओतप्रोत भरलेली होती. श्रोते अभंगांच्या सुरांत तल्लीन झाले.
....
A01101
मलकापूर : स्व. जयमाला भोसले यांच्या प्रतिमेस अभिवादनप्रसंगी डॉ. सुरेश भोसले, दिलीपराव देशमुख, सुवर्णादेवी देशमुख, मदनराव मोहिते, रंजना मोहिते, उत्तरा भोसले, पृथ्वीराज भोसले, वसुंधरा भोसले, विनायक भोसले, आनंदराव पाटील आदी.

.............................