बंगळूर, ता. ३ : घरकाम करणाऱ्या महिलेवर अत्याचार केल्याच्या प्रकरणात जन्मठेपेची शिक्षा भोगत असलेला हासनचा माजी खासदार प्रज्वल रेवण्णा याला कर्नाटक उच्च न्यायालयाने बुधवारी आणखी एक धक्का दिला. अत्याचार प्रकरणातील जन्मठेपेची शिक्षा स्थगित करून प्रज्वल याने जामीन मिळावा, यासाठी दाखल केलेली याचिका कर्नाटक उच्च न्यायालयाने बुधवारी फेटाळून लावली. न्यायमूर्ती के. एस. मुदगल आणि वेंकटेश नायक टी. यांच्या खंडपीठाने असा निर्णय दिला की, गुन्ह्याचे गांभीर्य आणि इतर प्रलंबित खटल्यांवर होणारा संभाव्य परिणाम पाहता या टप्प्यावर जामीन देणे योग्य नाही.
प्रज्वलविरुद्ध लैंगिक अत्याचाराचे अनेक गुन्हे दाखल आहेत. हे लक्षात घेऊन खंडपीठाने म्हटले की, तक्रारदारांनी आरोपीच्या राजकीय आणि आर्थिक पार्श्वभूमीमुळे पोलिसांशी संपर्क साधण्यास उशीर केला. जर प्रज्वलला जामिनावर सोडण्यात आले, तर अद्याप सुरू असलेल्या संबंधित प्रकरणांमध्ये पुराव्यांशी छेडछाड होण्याची शक्यता आहे, हा विशेष सरकारी वकिलांचा युक्तिवाद उच्च न्यायालयाने मान्य केला. प्रज्वलविरुद्ध दाखल झालेल्या चार लैंगिक अत्याचाराच्या गुन्ह्यांपैकी एका गुन्ह्यात न्यायालयाने त्याला जन्मठेपेची शिक्षा सुनावली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.