करमाळ्याच्या तहसीलदार शिल्पा ठोकडे यांच्या विरोधात हक्कभंग भंगाचा प्रस्ताव दाखल
KOR25B10510
शिल्पा ठोकडे
करमाळ्याच्या तहसीलदार शिल्पा ठोकडे यांच्या विरोधात हक्कभंग प्रस्ताव
करमाळा, ता. १५ : करमाळ्याचे आमदार नारायण पाटील यांनी तहसीलदार शिल्पा ठोकडे यांच्या विरोधात हिवाळी अधिवेशनात हक्कभंगाचा प्रस्ताव दाखल केला आहे. विधानसभा अध्यक्ष अॅड. राहुल नार्वेकर यांनी या प्रस्तावाची दखल घेतली आहे. तहसीलदार ठोकडे यांच्या विरोधात आमदार नारायण पाटील यांनी हक्कभंगाची मागणी केली.
विधिमंडळ अधिवेशनादरम्यान विशेष अधिकार समितीच्या बैठकीत अध्यक्ष आमदार नरेंद्र भोंडेकर यांनी याबाबत तत्काळ चौकशी करण्याचे आदेश दिले आहेत. आमदार पाटील हे विशेष अधिकार समितीचे सदस्य असून या बैठकीत तहसीलदार ठोकडे यांच्याविरोधात तक्रार केली आहे.
तहसील कार्यालयाकडून आवश्यक माहिती मागवली असता, माहिती न देणे, सांगितलेल्या कामांकडे दुर्लक्ष करणे, आमदार म्हणून असलेल्या अधिकारांकडे दुर्लक्ष करणे, याशिवाय शासनाच्या महत्त्वाच्या कामकाजाविषयी माहिती देण्यास टाळाटाळ करणे, अतिवृष्टीच्या अनुदानात अपराधपर होणे, समन्वय समितीसह असलेल्या विविध समितीची वर्षभरात एकही बैठक बोलावली नाही.
याबाबत आमदार नारायण पाटील यांनी विशेष अधिकार समिती समोर आपली तोंडी व लेखी तक्रार केली या तक्रारनंतर अध्यक्षांनी तत्काळ सर्व सदस्यांसह विधानसभा अध्यक्ष राहुल नार्वेकर यांची भेट घेऊन ही बाब गंभीर असल्याचे अध्यक्षांच्या निदर्शनास आणून दिले, यानंतर अध्यक्षांनी तात्काळ यावर कारवाई करण्याचे आदेश दिले आहेत.
कोट
- लोकप्रतिनिधी म्हणून लोकांच्या कामासाठी वारंवार तहसीलदारांना संपर्क साधावा लागतो. मात्र तहसीलदारांकडून योग्य प्रतिसाद मिळत नाही. त्यामुळे जनतेची अनेक कामे वेळेवर होऊ शकत नाहीत. म्हणून हक्कभंग प्रस्ताव दाखल केला आहे.
- नारायण पाटील, आमदार, करमाळा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.