पेहे येथे जागतिक दिव्यांग दिन साजरा

KRK25B03685
फोटो - पेहे (ता.पंढरपूर) : येथे जागतिक दिव्यांग दिनानिमित्त लाभार्थ्यांना साहित्य वाटप करताना सागर कुंजीर, तुळशीदास गायकवाड.

दिव्यांगाना मान-सन्मानाची वागणूक द्या
सागर कुंजीर; पेहे येथे जागतिक दिव्यांग दिन साजरा
करकंब, ता. १५ : ग्रामस्थांनी दिव्यांगांना मान-सन्मानाची वागणूक द्यावी. त्याच वेळी दिव्यांगांनीही आत्मनिर्भर बनण्याचा प्रयत्न करावा, असे आवाहन करकंब पोलिस ठाण्याचे सहायक पोलिस निरीक्षक सागर कुंजीर यांनी केले.
पेहे (ता. पंढरपूर) येथे ''जागतिक दिव्यांग दिन'' साजरा करण्यात आला. त्यावेळी ते बोलत होते. यावेळी प्रहार संघटनेचे जिल्हाप्रमुख दत्ता चौगुले, संजय जगताप, गणेश ननवरे, जयश्री गायकवाड, हनुमंत चव्हाण व गावातील सर्व दिव्यांग बांधव उपस्थित होते.
यावेळी त्यांनी दिव्यांगांना समाजाच्या मुख्य प्रवाहामध्ये आणण्यासाठी शासन करत असलेल्या प्रयत्नांची माहिती दिली. गावातील सर्व दिव्यांगांचा सन्मान करून विधवा महिलांना सामाजिक कार्यकर्ते व सेवानिवृत्त शिक्षक तुळशीदास गायकवाड यांच्या वतीने साड्यांचे वाटप केले. जिल्ह्याचे संपर्कप्रमुख हनुमंत चव्हाण यांनी आभार मानले.