केत्तूर परिसरात थंडीचा जोर वाढला

केत्तूर परिसरात थंडीचा जोर
केत्तूर ः करमाळा तालुक्याच्या पश्चिम भागातील उजनी लाभक्षेत्र परिसरात गेल्या दोन दिवसांपासून थंडीमध्ये प्रचंड प्रमाणात वाढ झाली आहे. पहाटे व सकाळी शितलहरी वाहत असल्याने थंडी थंडीचा तडाका वाढला आहे. वरचेवर तापमानाचा पारा घसरत असल्याने थंडीमध्ये वाढ होत आहे. हुडहुडी भरवणाऱ्या थंडीमुळे नागरिक उबदार कपड्यांशिवाय बाहेर पडत नसल्याचे चित्र आहे. डिसेंबर महिन्यात थंडीचा जोर पुन्हा वाढू लागला आहे. पुढील काही दिवसात थंडीची लाट येण्याची शक्यता हवामान खात्याने वर्तवली आहे. वरचेवर वाढत असणाऱ्या थंडीमुळे लहान मुले व वृद्ध मंडळींना याचा सर्वाधिक त्रास होत आहे. नागरिक सर्दी, खोकला व तापाने बेजार झाले आहेत. सकाळी व पहाटे थंडीचा जोर असला तरी दिवसभर मात्र उन्हाचा चटका जाणवत आहे.