सान्वी जीवनकरच्या ई-पुस्तकाचे प्रकाशन

लोहगाव, ता. १५ : येथील न्युरॉन लॅब्स विद्यालयात इयत्ता नववीमध्ये शिकणाऱ्या सान्वी जीवनकर हिच्या ‘थ्रू द मॅग्निफाइंग ग्लास’ या ई-पुस्तकाचे नुकतेच प्रकाशन झाले. हे पुस्तक कल्पनेवर आधारित थरारक रहस्यमय कादंबरी आहे. या पुस्तकाचे विशेष आकर्षण म्हणजे त्याचे मुखपृष्ठ सान्वीने स्वतः बनविले असून, कथेमधील पात्रांची चित्रेही तिने स्वतःच रेखाटलेली आहेत. लेखनासोबतच चित्रकलेतही तिने आपले प्रावीण्य दाखवले आहे.

सान्वीचे हे दुसरे पुस्तक असून याआधी तिचे ‘द मॅजिकल सिक्रेट्स’ हे पुस्तक प्रकाशित झाले आहे. त्या पुस्तकाला वाचकांकडून उत्स्फूर्त प्रतिसाद मिळत आहे. अवघ्या चौदाव्या वर्षी दोन पुस्तके प्रकाशित करून सान्वीने उल्लेखनीय कामगिरी केली असून, तिच्या या यशाबद्दल पालक, शिक्षक व वाचकवर्गाकडून कौतुकाचा वर्षाव होत आहे.

फोटो :- सान्वी जीवनकर