विभागीय ‌‌बॉक्सिंग स्पर्धत जनता विद्यालयाला यश

MLO25B00499
मळोली (ता. माळशिरस) : विभागीय ‌‌बॉक्सिंग स्पर्धेत प्रथम क्रमांक प्राप्त श्रेया जाधवचा सत्कार करताना रणजितसिंह जाधव, सत्यजित जाधव व इतर.
.........
मळोलीतील‌ जनता प्रशालेच्या खेळाडूंची बाजी
..........
विभागीय ‌‌बॉक्सिंग स्पर्धा; विजेत्यांचा मान्यवरांच्या हस्ते सन्मान
........
मळोली, ता. १५ : पुणे‌ येथील लहुजी वस्ताद राष्ट्रीय ‌बॉक्सिंग स्टेडिअमवर १७ वर्षे व १९ वर्षीय वयोगटात विभागीय बॉक्सिंग स्पर्धा नुकत्याच पार पडल्या. या स्पर्धेत माळशिरस तालुक्यातील मळोली येथील‌ जनता विद्यालय व ज्युनिअर कॉलेज प्रशालेच्या खेळाडूंनी बाजी मारली. विजेत्यांचा मान्यवरांच्या हस्ते सन्मान करण्यात आला.
यावेळी प्रमुख पाहुणे म्हणून संस्थेचे अध्यक्ष व पंचायत समिती सदस्य रणजितसिंह जाधव, सुरेश जाधव, अप्पासो जाधव, संजय गुजर उपस्थित होते तर कार्यक्रमाच्या अध्यक्षस्थानी विकास सोसायटी चेअरमन व संस्थेचे मार्गदर्शक सत्यजित जाधव होते.
श्रेया अमृतराव जाधव हिने ६४ किलो वजनी गटामध्ये विभागीय स्पर्धेमध्ये प्रथम क्रमांक प्राप्त केला असून तिची राज्यस्तरीय स्पर्धेसाठी निवड झाली आहे. मार्गदर्शक पृथ्वीराज जाधव, नीलेश जाधव, निसार शेख यांचाही यावेळी सत्कार करण्यात आला.
यावेळी ए. एस. झुरुळे, व्ही. एस. धुमाळ आदी उपस्थित होते.‌ सूत्रसंचालन अभिजित जाधव यांनी तर पृथ्वीराज जाधव यांनी आभार मानले.

चौकट
स्पर्धेतील यशस्वी खेळाडू‌ ‌
श्रेया जाधव प्रथम,‌ श्रुती जाधव द्वितीय, सिद्धीका जाधव‌ तृतीय,‌ लक्ष्मी जाधव तृतीय, अथर्व गुजर तृतीय, नेहाला तांबोळी तृतीय या खेळाडूंनी स्पर्धेत यश मिळविले.