मसूर : किवळ ग्रामपंचायतीकडून नियमित करदात्यांना ओला-सुका डस्टबिन व पर्यावरणपूरक पिशव्या वाटप;

किवळ ग्रामपंचायतीतर्फे

किवळला नियमित करदात्यांना डस्टबिन

पर्यावरणपूरक पिशव्याांचेही वाटप; स्वच्छतेला बळकटी

मसूर, ता. १५ : किवळ ग्रामपंचायतीने गेल्या ग्रामसभेत सरपंच प्रदीप काशीद यांच्या अध्यक्षतेखाली घेतलेल्या निर्णयाची अंमलबजावणी करताना नियमित कर भरणाऱ्या ग्रामस्थांना कचरा वर्गीकरणासाठी दोन डस्टबिन, तसेच पर्यावरणपूरक पिशवीचे वाटप केले. ग्रामसभेत हा कार्यक्रम झाला. यासह गेल्या विषयाचे प्रोसिडिंग वाचन, महिला विषयक योजना व जीपीडीपी आराखड्यावर चर्चा झाली.
ग्रामसभेत माई चॅरिटेबल ट्रस्टच्या अध्यक्षा संगीता साळुंखे, डॉ. विजय साळुंखे, सरपंच प्रदीप काशीद, उपसरपंच प्रभाकर पवार, सुहास साळुंखे, सुनील साळुंखे, रेखा साळुंखे, कैलास साळुंखे, सचिन साळुंखे, राजेश साळुंखे, प्रभावती सूर्यवंशी, रेश्मा मुलाणी, आशा पावशे, रेश्मा कांबळे, सवित्रा पवार, अशोक सावंत, कृष्णत साळुंखे, मुख्याध्यापिका पोळ, हेमांगी साळुंखे, अलिशा मुलाणी यांच्यासह ग्रामपंचायत सदस्य- सदस्या, महिला बचत गटातील अध्यक्ष-सचिव-सदस्या व महिला उपस्थित होत्या.
गेल्या ग्रामसभेत थकीत करांना सवलत न देण्याचा व शंभर टक्के वसुलीचा निर्धार महिलांच्या ग्रामसंघाने केला होता. नियमित करदात्यांचा सरपंच काशीद यांनी डस्टबिन व पिशवी देण्याची केलेली घोषणा पूर्णत्वास गेली.

B02380
किवळ : डस्टबिन वाटप करताना संगीता साळुंखे. त्यावेळी डॉ. विजय साळुंखे, प्रदीप काशीद, महिला व ग्रामस्थ.

...............................