अपघातातील जखमीचा उपचारादरम्यान मृत्यू

नसरापूर, ता.२६ : पुणे-सातारा महामार्गावर किकवी (ता. भोर) गावच्या हद्दीत सोमवारी (ता. १) दुचाकी घसरून झालेल्या अपघातात गंभीर जखमी झालेल्या दुचाकीस्वाराचा उपचारादरम्यान मृत्यू झाला. याप्रकरणी राजगड पोलिस ठाण्यात बुधवारी (ता. २४) नोंद करण्यात आली आहे.
प्रमोद नामदेव वणवे (वय ५३ रा. नवी सांगवी, पुणे, मूळगाव गंगापुरी वाई, जि. सातारा) असे अपघातात मृत्यू झालेल्या व्यक्तीचे नाव आहे. मृत वणवे यांची मुलगी पायल वणवे (वय २५) यांनी याबाबत राजगड पोलिस ठाण्यात खबर दिली आहे. दरम्यान, राजगड पोलिस ठाण्यात प्रमोद वणवे यांनी रस्त्याच्या परिस्थितीकडे दुर्लक्ष करून वेगात दुचाकी चालवून स्वतःच्या मृत्यूस जबाबदार ठरल्याप्रकरणी नोंद करण्यात आली आहे. पुढील तपास पोलिस हवालदार राहुल कोल्हे करत आहेत.