मराठी विश्व संमेलनाचे डिसेंबरचे नियोजन बारगळले

सकाळ वृत्तसेवा
नाशिक, ता.१५: सरकारच्या मराठी भाषा विभागाच्या वतीने २६,२७ व २८ डिसेंबरला नियोजित चौथे मराठी विश्र्व संमेलन निवडणुकांची रणधुमाळी व विधानसभेच्या हिवाळी अधिवेशनाच्या कामकाजात अधिकारी वर्ग अडकल्याने संमेलनाचे नियोजन बारगळे असून आता नवीन वर्षात जानेवारीच्या अखेरीस किंवा फेब्रुवारीच्या पहिल्या आठवड्यात संमेलन होणार असल्याची माहिती राज्य मराठी विकास संस्थेचे संचालक डॉ श्यामकांत देवरे यांनी दिली.
संमेलनाच्या कामकाजाची संपूर्ण प्रक्रिया पूर्ण झाली असून शासन निर्णय जाहीर झाल्यानंतर विश्व मराठी संमेलनाच्या नवीन तारखा लगेचच जाहीर केल्या जाणार आहेत. परदेशातील मराठी नागरिक डिसेंबर अखेरीस महाराष्ट्रात सुट्टीसाठी येतात. त्यांना डोळ्यासमोर ठेऊन डिसेंबर महिन्यातील तारखांची निश्चिती मराठी भाषा व उद्योग मंत्री उदय सामंत यांनी केली होती. परंतु ज्यांना संमेलनात खऱ्या अर्थाने सहभागी व्हायचे असल्यास ते कोणत्याही प्रकारे सहभागी होतात. त्यामुळे बदललेल्या तारखांमुळे संमेलनावर कोणताही परिणाम होणार नसल्याचे डॉ देवरे यांनी सांगितले.

मराठी विश्व संमेलन रद्द झाले नसून ते नाशिकलाच होणार आहे. याबाबत कोणत्याही अफवा न पसरविता निवडणुकांमुळे संमेलनाच्या तारखांमध्ये बदल करण्यात येणार आहे.
-डॉ श्यामकांत देवरे, संचालक, राज्य मराठी विकास संस्था
-----------